የኢትዮጵያ ኦርቶዶክስ ተዋሕዶ ቤተ-ክርስቲያን ታሪክ እንዲጠበቅና ተቋማዊ አቅሟ እንዲጠናከር ከምንግዜውም በላይ በትኩረት ይሠራል - መንግሥት
17:59 08.11.2026 (የተሻሻለ: 18:34 08.11.2026)
© telegram sputnik_ethiopia
ሰብስክራይብ
የኢትዮጵያ ኦርቶዶክስ ተዋሕዶ ቤተ-ክርስቲያን ታሪክ እንዲጠበቅና ተቋማዊ አቅሟ እንዲጠናከር ከምንግዜውም በላይ በትኩረት ይሠራል - መንግሥት
የሰላም ሚኒስትሩ ሙሳ አደም ከኢትዮጵያ ኦርቶዶክስ ተዋሕዶ ቤተ-ክርስቲያን ፓትርያርክ ብፁዕ ወቅዱስ አቡነ ማትያስ እና ከቅዱስ ሲኖዶስ አባቶች ጋር ባደረጉት ትውውቅ፤ መንግሥት በሀገሪቱ ዘላቂ ሰላምን ለመገንባት ከሐይማኖት ተቋማት ጋር የጀመረውን ገንቢ ግንኙነት አጠናክሮ እንደሚቀጥልና ለቤተ-ክርስቲያኒቱ ተቋማዊ መጠናከር በትኩረት እንደሚሠራ አረጋግጠዋል።
ብፁዕ ወቅዱስ አቡነ ማትያስ በበኩላቸው ቤተ-ክርስቲያኗ ሀገራዊ ሰላምን ለማረጋገጥ እና ምዕመናን በሰላም ተግባራቸውን እንዲያከውኑ የምታደርገውን ጥረት አጠናክራ እንደምትቀጥል ገልጸዋል።
የሰላም ሚኒስቴር ዘላቂ ሰላምን እውን ለማድረግ ከኢትዮጵያ ኦርቶዶክስ ተዋሕዶ ቤተ-ክርስቲያን እና ከሌሎች የሐይማኖት ተቋማት ጋር የተጀመሩ የጋራ ሥራዎችን አጠናክሮ ይቀጥላል ተብሏል።
ስፑትኒክ ኢትዮጵያ | መተግበሪያ | X
