የአፍሪካ ሲዲሲ የኬንያን የኢቦላ ምላሽ ለአኅጉሪቱ አርአያ የሚሆን ነው ሲል አወደሰ
11:43 07.11.2026 (የተሻሻለ: 11:44 07.11.2026)
© telegram sputnik_ethiopia
ሰብስክራይብ
የአፍሪካ ሲዲሲ የኬንያን የኢቦላ ምላሽ ለአኅጉሪቱ አርአያ የሚሆን ነው ሲል አወደሰ
ኬንያ ከጥቅምት 10 ወዲህ አዲስ የኢቦላ ተጠቂ አለመመዝገቧን ያስታወቀች ሲሆን ከበሽታው ያገገሙ አምስት ታካሚዎች ከሆስፒታል መውጣታቸው ተገልጿል።
የአፍሪካ ሲዲሲ ባለሥልጣን ዌሳም ማንኩላ ኬንያ በሽታውን ለመቆጣጠር የወሰደችውን ፈጣንና ውጤታማ ምላሽ ባደነቁበት ንግግራቸው የሚከተሉትን ዋና ዋና ስኬቶች ጠቅሰዋል፦
የበሽታውን ተጠቂዎች በቶሎ መለየትና ጠንካራ የበሽታ ክትትል ሥርዓት፣
ከተጠቂዎች ጋር ግንኙነት ያደረጉ ሰዎችን በፍጥነት መለየት፣ መከታተልና ለይቶ ማቆየት፣
ወደ ውጭ ሀገራት የተጓዙ የተነካኩ ሰዎችን ለመከታተል ከሌሎች ሀገራት ጋር በቅንጅት መሥራት።
በተጨማሪም የአፍሪካ መንግሥታት የበሽታ ክትትል፣ የድንበር ምርመራ፣ የላቦራቶሪ አቅምና የሕክምና ተቋማትን በማጠናከር ተጨማሪ ስርጭቶችን መከላከል እንዳለባቸው አሳስበዋል።
ℹ ኬንያ በጥቅምት 26 የመጀመሪያውን ከውጭ ሀገር የገባ የኢቦላ ተጠቂ ይፋ ካደረገች ወዲህ 9 የተረጋገጡ የበሽታው ተጠቂዎችንና 2 ሞት መመዝገቧ ተገልጿል።
ስፑትኒክ ኢትዮጵያ | መተግበሪያ | X
