ኢትዮጵያ ድንገተኛ የጤና አደጋዎችን በብቃት ለመከላከል ቀጣናዊ ትብብር እንዲጠናከር ጥሪ አቀረበች
19:22 05.11.2026 (የተሻሻለ: 19:34 05.11.2026)
© telegram sputnik_ethiopia
ሰብስክራይብ
ኢትዮጵያ ድንገተኛ የጤና አደጋዎችን በብቃት ለመከላከል ቀጣናዊ ትብብር እንዲጠናከር ጥሪ አቀረበች
በ7ኛው የዓለም ጤና ድርጅት የድንገተኛ ሕክምና ቡድኖች ዓለም አቀፍ ስብሰባ ላይ የጤና ሚኒስትር ዶክተር መቅደስ ዳባ ሀገራት ከቃል ኪዳን ወደ ተግባራዊ ዝግጁነት እና ኅብረታዊ ጽናት እንዲሸጋገሩ ጥሪ አቅርበዋል።
ሚኒስትሯ በንግግራቸው ያነሷቸው ዋና ዋና ነጥቦች፦
ታሪካዊ ስኬት፦ የኢትዮጵያ የድንገተኛ ሕክምና ቡድን ባለፈው መስከረም የዓለም ጤና ድርጅትን ዓለም አቀፍ እውቅና በማግኘት በአፍሪካ የመጀመሪያው ሲቪል ቡድን ሆኗል።
የሀገር ውስጥ አቅም፦ ኢትዮጵያ ከ600 በላይ የሠለጠኑ የድንገተኛ ባለሙያዎች አሏት፤ እ.ኤ.አ በ2023 በቱርክ የምድር መንቀጥቀጥ ወቅት የሕክምና ቡድን በመላክ ድንበር ተሻጋሪ አጋርነቷን አሳይታለች።
ቀጣይ አቅጣጫ፦ ዘላቂ ኢንቨስትመንት ማድረግ፣ የጋራ መስፈርቶችን ማዋሃድ እና ድንበር ተሻጋሪ ትብብርን መተግበር።
ስፑትኒክ ኢትዮጵያ | መተግበሪያ | X
