የሩሲያ እና ኢትዮጵያ ወታደራዊ ትብብር ከመሣሪያ ግዢ ባለፈ ውስጣዊ የመከላከያ ኢንዱስትሪን ማጎልበት ላይ ማተኮር አለበት - የፖለቲካ እና ዓለም አቀፍ ጉዳዮች ተንታኝ
19:23 05.11.2026 (የተሻሻለ: 19:24 05.11.2026)
© telegram sputnik_ethiopia
ሰብስክራይብ
የሩሲያ እና ኢትዮጵያ ወታደራዊ ትብብር ከመሣሪያ ግዢ ባለፈ ውስጣዊ የመከላከያ ኢንዱስትሪን ማጎልበት ላይ ማተኮር አለበት - የፖለቲካ እና ዓለም አቀፍ ጉዳዮች ተንታኝ
“የአንድ ሀገር ወታደራዊ ጥንካሬ የሚለካው ባላት የውጊያ አውሮፕላኖች፣ ታንኮችና ሌሎች ወታደራዊ መሣሪያዎች ብዛት ብቻ አይደለም። እነዚህን መሣሪያዎች በራስ አቅም የማምረት፣ የመጠገን፣ የማዘመንና የማስተዳደር ብቃትም ወሳኝ ነው” ሲሉ የፖለቲካ ሳይንስ እና ዓለም አቀፍ ግንኙነት ባለሙያው ተሬቻ ባልቻ በሩሲያ-አፍሪካ ጉባኤ ውጤት ዙሪያ ለስፑትኒክ አፍሪካ በሰጡት አስተያየት ገልጸዋል።
ባለሙያው ያነሷቸው ቁልፍ ነጥቦች፦
▪ ወታደራዊ ጥንካሬን በአዲስ መልክ መበየን፦ እውነተኛ ወታደራዊ ጥንካሬ የሚለካው በታንኮች ወይም በጦር አውሮፕላኖች ብዛት ብቻ ሳይሆን በሀገር ውስጥ መሐንዲሶች መሣሪያዎችን ማምረት፣ መጠገን፣ ማሻሻልና ማንቀሳቀስ በመቻል ነው።
▪ የቴክኖሎጂ ሽግግርና የጋራ ምርት፦ ሩሲያ ወታደራዊ ተሽከርካሪዎችን፣ የመገናኛ መሣሪያዎችንና ሌሎችንም ክፍሎች በኢትዮጵያ ውስጥ በጋራ ለማምረት ድጋፍ ማድረግ ትችላለች።
▪ የሀገር ውስጥ የጥገና ማዕከላት፦ በውጭ አገር ቴክኒሽያኖች ላይ ያለውን ጥገኝነት ለማስቀረት ውስብስብ ወታደራዊ መሣሪያዎችን ሀገር ውስጥ ለመጠገን የሚያስችሉ ተቋማትን ማልማት።
▪ የላቀ የቴክኒክ ሥልጠና፦ ሩሲያ ለኢትዮጵያ ወታደራዊ መሐንዲሶችና አቪዬሽን ባለሙያዎች በኤሮስፔስ፣ በራዳር/ኮሙዩኒኬሽን፣ በኤሌክትሪክ ኢንጂነሪንግና በሳይበር ደህንነት ዘርፎች የላቀ ሥልጠና መስጠት ትችላለች።
ስፑትኒክ ኢትዮጵያ | መተግበሪያ | X
