ኪም ጆንግ-ኡን የሰው ሠራሽ አስተውሎት ድሮን ጦር መሣሪያዎች ልማት በከፍተኛ ፍጥነት እንዲፋጠን አዘዙ
08:54 30.10.2026 (የተሻሻለ: 09:04 30.10.2026)
© telegram sputnik_ethiopia
ሰብስክራይብ
ኪም ጆንግ-ኡን የሰው ሠራሽ አስተውሎት ድሮን ጦር መሣሪያዎች ልማት በከፍተኛ ፍጥነት እንዲፋጠን አዘዙ
የሰሜን ኮሪያው መሪ ኪም ጆንግ-ኡን የሀገሪቱ ወታደራዊ ሳይንቲስቶች የሰው አልባ የመሣሪያ ሥርዓቶችን (ድሮኖች) ልማት እና የሰው ሠራሽ አስተውሎት ውህደት በፍጥነት ቅድሚያ ሰጥተው እንዲሠሩ መመሪያ መስጠታቸውን የሀገሪቱ የመንግሥት ዜና ወኪል ኬሲኤናኤ ዘግቧል።
ኪም ስትራቴጂካዊ፣ ኦፕሬሽናል እና ታክቲካዊ ሁለገብ ድሮኖች እንዲሁም የተለያዩ አጥፍቶ ጠፊ የጥቃት ድሮኖች ለዕይታ በቀረቡበት "የሰው አልባ ኤሮኖቲካል ቴክኖሎጂ ልማት-2026" በተሰኘው ዐውደ–ርዕይ ላይ ተገኝተዋል፡፡
"ሰላም እና ጥንካሬ ላይነጣጠሉ የተሳሰሩ ናቸው... ሰላም በየትኛውም ዋጋ የሚሸጥ አይደለም፤ እናም ሀብታም ሀገር እንኳ በገንዘብ ሰላምን ሊገዛው አይችልም። ጥንካሬ ማለት በትክክል ሰላም ማለት ነው፤ ሰላም ደግሞ ሊረጋገጥ የሚችለው በጥንካሬ ብቻ ነው።"
“በድሮን ቴክኖሎጂ ፍፁም የበላይነትን" መቀዳጀት የዘመናዊ ጦርነትን እየተቀየረ የመጣውን ባህሪ ለመልመድ የማይቀረው አማራጭ ነው ሲሉ ኪም ተናግረዋል። ይህም ሰሜን ኮሪያ ነባር የኒውክሌር ደረጃዋን መሠረት በማድረግ መደበኛ የጦር ኃይሏን ለማዘመን የምታደርገውን ጥረት የሚያጠናክር ነው።
ስፑትኒክ ኢትዮጵያ | መተግበሪያ | X
