የላሙ የነዳጅ ማጣሪያ መሠረት መጣል ለምስራቅ አፍሪካ ሉዓላዊነትን ትልቅ እርምጃ ነው - ዐቢይ አሕመድ
17:45 30.09.2026 (የተሻሻለ: 17:54 30.09.2026)
© telegram sputnik_ethiopia
ሰብስክራይብ
የላሙ የነዳጅ ማጣሪያ መሠረት መጣል ለምስራቅ አፍሪካ ሉዓላዊነትን ትልቅ እርምጃ ነው - ዐቢይ አሕመድ
የኢትዮጵያ ጠቅላይ ሚኒስትር ዐቢይ አሕመድ ዛሬ ማለዳ፣ በኬንያ ላሙ ወደብ በ16 ቢሊዮን ዶላር የሚገነባው የዳንግቴ ምስራቅ አፍሪካ ነዳጅ ማጣሪያ ፕሮጀክት ማስጀመሪያ ሥነ-ስርዓትን ከኬንያው ፕሬዝዳንት እና ከሌሎች የምሥራቅ አፍሪካ ሀገራት መሪዎች ጋር ተካፍለዋል፡፡
ሁነቱን ተከትሎም ዐቢይ፣ "የላሙ የነዳጅ ማጣሪያ ፋብሪካ የመሠረተ ድንጋይ የማስቀመጥ ሥነ-ስርዓት፤ የአፍሪካን የኢንዱስትሪ አቅም ለማሳደግ፣ መጠነ ሰፊ እድሎችን ለመፍጠር እና በመላው ምስራቅ አፍሪካ ለላቀ ኢኮኖሚያዊና የኢንዱስትሪ ሉዓላዊነትን መሠረት ለመጣል ትልቅ እርምጃ መሆኑን የሚያረጋግጥ ሁነት ነው።" ሲሉ በማኅበራዊ ሚዲያ ገጻቸው ላይ ጽፈዋል፡፡
በአኅጉሪቱ የሚገኙ የኢንዱስትሪ መሪዎች፣ ባለሀብቶች እና ሥራ ፈጣሪዎች፤ በአፍሪካ ላይ ኢንቨስት ሊያደርጉ፣ አፍሪካ ባላት አቅምና የጋራ ጸጋ እምነት ሊኖራቸው እንዲሁም አኅጉራዊ መፃኢ እድልን የሚወስኑ ለውጥ አምጪ ፕሮጀክቶችን ሊገነቡ እንደሚገባ አሳስበዋል።
ጠቅላይ ሚኒስትሩ "የአፍሪካን የወደፊት እጣ ፈንታ በጋራ ልንገነባው የተገባ ኃላፊነታችን ነው" ብለዋል፡፡
ስፑትኒክ ኢትዮጵያ | መተግበሪያ | X
