ጋና የመጀመሪያዎቹ ነርሶች ጃማይካ በመድረሳቸው የካሪቢያን የጤና አገልግሎትን ለማጠናከር እያገዘች ነው - የጃማይካ ጠቅላይ ሚኒስትር
19:45 29.09.2026 (የተሻሻለ: 19:54 29.09.2026)
© telegram sputnik_ethiopia
ሰብስክራይብ
ጋና የመጀመሪያዎቹ ነርሶች ጃማይካ በመድረሳቸው የካሪቢያን የጤና አገልግሎትን ለማጠናከር እያገዘች ነው - የጃማይካ ጠቅላይ ሚኒስትር
በዚሁ ዓመት መጀመሪያ ላይ በተፈረመው የአራት ዓመታት ስምምነት መሠረት፤ 43 ጋናውያን ነርሶች በጃማይካ በሚገኙ ሆስፒታሎች ውስጥ የሚመደቡ ይሆናል ሲሉ አንድሩ ሆልነስ ተናግረዋል።
ይህ የመጀመሪያው ቡድን እስከ 400 የሚደርሱ የጋና የጤና ባለሙያዎች የካሪቢያኗን ሀገር የጤና ሥርዓት ለመደገፍ ለሚያደርጉት ጉዞ መንገድ የሚከፍት ነው ሲሉም አክለዋል።
ነርሶቹ በድንገተኛ ሕክምና፣ በጽኑ ሕክምና፣ በሕፃናት ሕክምና፣ በካንሰር ሕክምና፣ በሥነ-አእምሮ ጤና እና በወሊድ አገልግሎት ላይ ከፍተኛ ልምድ እና ክህሎት ያላቸው ናቸው።
ይህ አጋርነት የጃማይካ እና የጋና የጤና ባለሙያዎች እውቀት እንዲለዋወጡ እና እንደ መሠረታዊ የጤና እንክብካቤ፣ የጤና መድህን እና ሥር የሰደዱ በሽታዎች አስተዳደር ያሉ ዘርፎችን ለማጠናከር ያስችላቸዋል ሲሉ ሆልነስ አብራርተዋል።
በተለይም ጃማይካ እና ጋና ሰብአዊ እና የደህንነት ዘርፎችን ጨምሮ በተለያዩ መስኮች ትብብራቸውን እያጠናከሩ ይገኛሉ።
ስፑትኒክ ኢትዮጵያ | መተግበሪያ | X
