ካዛኪስታን ለኢትዮጵያ ቡና እና አበቦች ንግድ አዲስ መግቢያ ልትሆን ነው
16:17 14.09.2026 (የተሻሻለ: 16:24 14.09.2026)
© telegram sputnik_ethiopia
ሰብስክራይብ
ካዛኪስታን ለኢትዮጵያ ቡና እና አበቦች ንግድ አዲስ መግቢያ ልትሆን ነው
በኒው ዴልሂ ከተካሄደው የብሪክስ ጉባኤ ጎን ለጎን ጠቅላይ ሚኒስትር ዐቢይ አሕመድ ከካዛኪስታን ፕሬዝዳንት ቃሲም-ጆማርት ቶካየቭ ጋር ባደረጉት ውይይት፣ ካዛኪስታን የኢትዮጵያን ቡና፣ ሻይ እና አበቦች ወደ ሀገሯና ወደ ማዕከላዊ ኤስያ ገበያዎች የሚያሰራጭ የንግድ ማዕከል ለመክፈት ከኢትዮጵያ ጋር ለመሥራት ተስማምታለች።
ዋና ዋና ነጥቦች፦
🟠 የካዛኪስታን የገበያ ፍላጎት፦ በቅርቡ (ሰኔ 2026) የወጡ መረጃዎች እንደሚያሳዩት፣ በካዛኪስታን የቡና ዋጋ ማሻቀብ ታይቷል። ሀገሪቱ ሙሉ በሙሉ በውጭ ቡና ላይ ጥገኛ በመሆኗ የትራንስፖርት፣ የዋጋ ግሽበት እና የሠራተኛ ወጪዎች ዋጋውን ንረውባታል።
🟠 ዋጋ ማረጋጋት፦ ኢትዮጵያ የቡና፣ ሻይ እና አበባ ምርቶቿን በቀጥታ ወደ ካዛኪስታን መላክ መጀመሯ ለካዛኪስታን ገበያ የዋጋ መረጋጋትን ይዞላት ይመጣል፡፡
🟠 የኢትዮጵያ አዲስ ገበያ፦ ለኢትዮጵያ ወደ ካዛኪስታን እና ማዕከላዊ ኤስያ ሰፊ ገበያ ለመግባት ትልቅ የንግድ በር ይከፍትላታል። የቡና የወጪ ንግድን መዳረሻ የማስፋት ውጥንን ያፋጥንላታል፡፡
🟠 ስምምነት፦ ሁለቱ ሀገራት የንግድ እና የኢንቨስትመንት ትስስሩን በተግባር ለማስጀመር የልዑካን ቡድኖችን ለመላክ ተስማምተዋል።
ስፑትኒክ ኢትዮጵያ | መተግበሪያ | X
