የደቡብ አፍሪካ ልማት ማኅበረሰብ ጉባኤ፤ በቀጣናው ሰላም፣ የኢኮኖሚ ልማት እና የአየር ንብረት ለውጥ መቋቋም ላይ ትኩረት በማድረግ ተጠናቀቀ
የደቡብ አፍሪካ ልማት ማኅበረሰብ ጉባኤ፤ በቀጣናው ሰላም፣ የኢኮኖሚ ልማት እና የአየር ንብረት ለውጥ መቋቋም ላይ ትኩረት በማድረግ ተጠናቀቀ
በደቡብ አፍሪካ ደርባን ከተማ የተካሄደው 46ኛው የሳድክ ጉባኤ ዋና ዋና ውሳኔዎችንም አሳልፏል።
የውሳኔዎቹ ዋና ዋና ትኩረቶች፦
ሰላምና ደህንነት፦ ከኮንጎ ዲሞክራሲያዊ ሪፐብሊክ ጋር ያለውን አጋርነት ያረጋገጠ ሲሆን፤ በማዳጋስካር የሚካሄዱ የመልካም አስተዳደር ማሻሻያዎችን ደግፏል እንዲሁም ሞዛምቢክ በካቦ ዴልጋዶ ሽብርተኝነትን ለመዋጋት የምታደርገውን ጥረት አድንቋል።
የኢኮኖሚ ትስስር፦ በሳድክ የቀጣናዊ ስትራቴጂክ ልማት ዕቅድ (2020–2030) ማዕቀፍ ሥር ለኢንዱስትሪ መስፋፋት፣ ወሳኝ ማዕድናት እና የቀጣናዊ እሴት ሰንሰለቶች ቅድሚያ ሰጥቷል።
ጉዞ እና ቱሪዝም፦ ከሀገር ሀገር ጉዞን ለማቅለልና የቀጣናውን ቱሪዝም ለማሳደግ ያለመውን የሳድክ የቱሪዝም ዩኒቪዛ ስምምነት በይፋ አፅድቋል።
ግብርና እና የምግብ ዋስትና፦ ታሪፍ ነክ ያልሆኑ የንግድ እንቅፋቶች እንዲወገዱ፣ የጥራት ደረጃዎች እንዲጣጣሙ እና ከአየር ንብረት ጋር የተጣጣመ ግብርናን በመጠቀም ለኤል ኒኖ ስጋቶች ዝግጁነት እንዲጎለብት ጥሪ አቅርቧል።
ማኅበራዊ ጉዳዮች፦ የሴቶችን የሥልጣን ተሳትፎ ማሳደግ፣ ፆታዊ ጥቃቶችን መከላከል እና ለወጣቶች የፈጠራና የሥራ ዕድል ጥረቶችን ማስፋፋት እንደሚገባ አሳስቧል።
የደቡብ አፍሪካ ፕሬዚዳንት ሲሪል ራማፎሳ የሳድክ ሊቀመንበርነትን የተረከቡ ሲሆን ዛምቢያ 47ኛውን የሳድክ ጉባኤ እንድታስተናግድ ተመርጣለች።
ስፑትኒክ ኢትዮጵያ | መተግበሪያ | X
