በማራኬሽ በቱሪዝም ስም በእንስሳት ላይ የሚፈጸም ብዝበዛ እንዲቆም ተጠየቀ
16:15 11.08.2026 (የተሻሻለ: 16:24 11.08.2026)
© telegram sputnik_ethiopia
ሰብስክራይብ
በማራኬሽ በቱሪዝም ስም በእንስሳት ላይ የሚፈጸም ብዝበዛ እንዲቆም ተጠየቀ
በሞሮኮ ማራኬሽ ከተማ እባቦችን፣ የባርበሪ ዝንጀሮዎችን እና የፈረስ ሠረገላዎችን ለቱሪስት መስህብነት መጠቀም እንዲቆም የሚጠይቅ ዘመቻ በ "ማይፒቲሽን" ድረ-ገፅ ላይ ከ17 ሺህ በላይ ፊርማዎችን አሰባስቦ ለከተማዋ ማዘጋጃ ቤት እና ለአካባቢው ባለሥልጣናት አቅርቧል።
የአቤቱታው ዋና ዋና ዝርዝሮች፦
◻ እንስሳቱ ለከባድ እንግልት የተጋለጡ ናቸው የሚለው አቤቱታው፤ እባቦች ያለ ጥላና ውሃ እንደሚቀመጡ፣ ዝንጀሮዎች ለሰዓታት በሰንሰለት ታስረው እንደሚቆዩ እንዲሁም የሠረገላ ፈረሶች በድካምና በጉዳት ላይ ሆነው እንዲሠሩ እንደሚገደዱ ያትታል።
◻ አቤቱታው በጀማ ኤል-ፍና አደባባይ እባቦችና ዝንጀሮዎችን ለሕዝብ ማሳየት እንዲቆም፣ እንስሳቱ ከብዝበዛ እንዲወጡ እና በሠረገላ ፈረሶች ላይ የግዴታ የእንስሳት ሕክምና ምርመራ ተደርጎ እንስሳቱን በሚያሰቃዩ ባለቤቶች ላይ ቅጣት እንዲጣል ይጠይቃል።
◻ አቤቱታ አቅራቢዎች ባሕላዊ ቅርስ ለእንስሳት ስቃይ ምክንያት ሊሆን ሊአይገባም ሲሉ ይሞግታሉ። ማራኬሽ የእንስሳትን ስቃይ የቱሪዝም ልምድ አካል ሳታደርግ የሕዝብ ቦታዎቿን እንድትንከባከብም አጥብቀው ጠይቀዋል።
ስፑትኒክ ኢትዮጵያ | መተግበሪያ | X
