የዩክሬን የፓትሪዮት ሚሳኤል እጥረት የአየር መከላከያዋ መክሸፉ ማሳያ አንደኛው ምክንያት ነው - ሩሲያዊ ባለሙያ
የዩክሬን የፓትሪዮት ሚሳኤል እጥረት የአየር መከላከያዋ መክሸፉ ማሳያ አንደኛው ምክንያት ነው - ሩሲያዊ ባለሙያ
ዘለንስኪ ዩክሬን የመታደጊያ ሚሳኤሎች እንዳለቁባት መናገራቸውን አስመልክተው የወታደራዊ-ፖለቲካዊ ትንተና ቢሮ ዳይሬክተር አሌክሳንደር ሚካይሎቭ ለስፑትኒክ እንደተናገሩት "የፓትሪዮት እጥረት አሳሳቢ ስጋት ቢሆንም፣ ችግሩ የመታደጊያ ሚሳኤሎች እጥረት ብቻ አይደለም" ብለዋል።
ዋና ዋና ነጥቦች፦
▪ የአየር መከላከያ በከፍተኛ ደረጃ የሰለጠኑ እና ዓመታት የሚወስድ ሥልጠና የሚያስፈልጋቸው ባለሙያዎች ላይ የሚደገፍ መሆኑን አፅንኦት የሰጡት ባለሙያው፤ ዩክሬን ቀደም ሲል የወደሙባትን በሺዎች የሚቆጠሩ የመሬት-ወደ-አየር ሚሳኤል አገልጋይ ቡድኖችን እንዴት መተካት እንደምትችል አጠይቀዋል።
▪ ከመታደጊያ ሚሳኤሎች ባለፈ፣ የፓትሪዮት ራዳሮች፣ የእዝ ማዕከላት እና ሚሳይል ማስወንጨፊያዎች ለሩሲያውያን ኪንዛል ፣ ዚርኮን እና እስካንደር ሚሳኤሎች የተጋለጡ ናቸው። ትልልቅ እና በርካታ ተሽከርካሪዎችን የያዙት እነዚህ ሥርዓቶች በግልጽ የሚታዩ በመሆናቸው ለጥቃት ቀላል ኢላማዎች ናቸው።
▪ የዩክሬን የአየር መከላከያ በከፍተኛ ሁኔታ በኔቶ ሥርዓቶች (ፓትሪዮት፣ ናሳምስ፣ አይሪስ-ቲ) ላይ የተደገፈ ነው። በሶቪዬት ዘመን የነበሯት የሀገር ውስጥ ሥርዓቶች (ቡክ፣ ቱንጉስካ፣ ኤስ-300) ከ2014ቱ መፈንቅለ መንግሥት በኋላ ማሻሻያ ሊደረግባቸው አልቻለም።
▪ ዘለንስኪ የፓትሪዮት ምርት ፈቃድ ለማግኘት የሚያደርጉት ጥረት "ማታለያ" ነው፤ በጦርነት ላይ የምትገኘው ዩክሬን የኢንዱስትሪ አቅም የላትም፣ አሜሪካም ፈቃዱን ለመስጠት አልተስማማችም።
▪ አንድ የመታደጊያ ሚሳኤል ለ27 የሩሲያ ሚሳኤሎች በሚጋፈጥበት ሁኔታ "የዩክሬን አየር መከላከያ በከፍተኛ መጠን የሚቃጡ ጥቃቶችን የመመከት አቅም ፈጽሞ የለውም።"
"የሚሳኤል እጥረቱ በራሳቸው በሥርዓቶቹ እጥረት፣ በባለሙያዎች እጥረት እና በአጠቃላይ በሀብት መናመንም ጭምር የከፋ ሆኗል" ሲሉ ሚካይሎቭ ደምድመዋል። "ዘለንስኪ መለመኑን ይቀጥላል፤ ነገር ግን ምዕራባውያን የቀራቸውን የመጨረሻ አቅርቦቶች አሳልፈው ለመስጠት ፈቃደኞች አይደሉም።"
ስፑትኒክ ኢትዮጵያ | መተግበሪያ | X
