ጠቅላይ ሚኒስትር ዐቢይ አሕመድ በአዲስ አበባ 57 ሄክታር የሚሸፍን አዲስ የኮሪደር ልማት በይፋ መረቁ

ጠቅላይ ሚኒስትር ዐቢይ አሕመድ በአዲስ አበባ 57 ሄክታር የሚሸፍን አዲስ የኮሪደር ልማት በይፋ መረቁ
ጠቅላይ ሚኒስትሩ ቀደም ሲል በተጀመሩ የከተማ ልማት ሥራዎች ላይ በመመሥረት፣ አዲስ አበባን ወደ ላቀ የዘመናዊነት ደረጃ የሚያሸጋግር ግዙፍ የኮሪደር ልማት ፕሮጀክት ዛሬ በይፋ ሥራ መጀመሩን አስታውቀዋል።
ፕሮጀክቱ የሚያካትታቸው ዋና ዋና መስመሮች፦
🟠 ከቦሌ መድኃኔዓለም – በጎላጉል – እስከ እንግሊዝ ኤምባሲ
🟠 ከቦሌ መድኃኔዓለም እስከ ሞኤንኮ
🟠 ከቦሌ ትምህርት ቤት እስከ ዓደይ አበባ ሞዴል መንደር
🟠 ከኢምፔሪያል ሆቴል እስከ ሻላ ፓርክ
🟠 ከቺቺኒያ እስከ ቦሌ ሩዋንዳ
🟠 ከዓደይ አበባ ስታዲየም እስከ ቦሌ መንገድ እና የውስጥ ለውስጥ መንገዶች
በልማቱ ውስጥ የተካተቱ ዘመናዊ አገልግሎቶች፦
🟠 ትራንስፖርት እና መሠረተ ልማት፦ ዘመናዊ መንገዶች፣ ሰፋፊ የእግረኛ እና የብስክሌት መሥመሮች፣ የመሬት ውስጥ መሠረተ ልማቶች፣ የኤሌክትሪክ መኪና ቻርጅ ማድረጊያ ጣቢያዎች እንዲሁም ከ5,000 በላይ መኪኖችን የሚይዙ ፓርኪንጎች።
🟠 ማኅበራዊ እና መዝናኛ ሥፍራዎች፦ የታደሱ ትምህርት ቤቶች፣ ቤተ መጻሕፍት፣ የስፖርት ሜዳዎች፣ የሕፃናት መጫወቻዎች፣ ካፌዎች፣ ሬስቶራንቶች እና ውብ ፕላዛዎች።
ጠቅላይ ሚኒስትሩ፣ "ይህ ከመሠረተ ልማት ግንባታ በላይ ነው፤ ሰዎችን፣ ሰብአዊ ክብርን እና የኑሮ ጥራትን ዋነኛ ማዕከል ያደረገ ለአዲስ አበባ እና ለኢትዮጵያ ከተሞች መጻኢ ዕድል የተነደፈ ሰፊ ራዕይ አካል ነው።" ብለዋል፡፡
ስፑትኒክ ኢትዮጵያ | መተግበሪያ | X





