https://amh.sputniknews.africa/20261020/5618705.html

የስፑትኒክ ማዕከላት በታንዛኒያ እና ደቡብ አፍሪካ መከፈት አፍሪካውያን እውነተኛ መረጃ የሚያገኙበትን ዕድል ለማስፋት ይረዳል - ላቭሮቭ

የስፑትኒክ ማዕከላት በታንዛኒያ እና ደቡብ አፍሪካ መከፈት አፍሪካውያን እውነተኛ መረጃ የሚያገኙበትን ዕድል ለማስፋት ይረዳል - ላቭሮቭ

Sputnik አፍሪካ

ዓለም አቀፍ የዜና ወኪል እና የሬዲዮ ጣቢያ የሆነው ስፑትኒክ ዛሬ ጥቅምት 10 ቀን 2019 ዓ.ም፣ በዳሬሰላም እና በጆሃንስበርግ ሁለት ሁለገብ የዝግጅት ክፍሎችን ከፍቷል።በታንዛኒያ ዋና ከተማ የተካሄደው የመክፈቻ ሥነ-ስርዓት በሩሲያ የውጭ ጉዳይ... 20.10.2026, Sputnik አፍሪካ

2026-10-20T19:18+0300

2026-10-20T19:18+0300

2026-10-20T19:20+0300

sputnik africa

https://cdn.amh.sputniknews.africa/img/07ea/0a/14/5617768_0:0:1920:1080_1920x0_80_0_0_f3f30ef3b11f967bca8120769d807356.jpg

ዓለም አቀፍ የዜና ወኪል እና የሬዲዮ ጣቢያ የሆነው ስፑትኒክ ዛሬ ጥቅምት 10 ቀን 2019 ዓ.ም፣ በዳሬሰላም እና በጆሃንስበርግ ሁለት ሁለገብ የዝግጅት ክፍሎችን ከፍቷል።በታንዛኒያ ዋና ከተማ የተካሄደው የመክፈቻ ሥነ-ስርዓት በሩሲያ የውጭ ጉዳይ ሚኒስትር ሰርጌ ላቭሮቭ የቪዲዮ መልዕክት ጀምሯል።አክለውም፣ ለታንዛኒያ እና ደቡብ አፍሪካ ባለሥልጣናት ላደረጉት ድጋፍ ምስጋና ያቀረቡ ሲሆን፣ ይህም ድጋፍ ለጋዜጠኞች ውጤታማና ደህንነቱ የተጠበቀ ሥራ እጅግ አስፈላጊ ቅድመ-ሁኔታ መሆኑን ጠቅሰዋል።ሰርጌ ላቭሮቭ የሁለቱ አዳዲስ የስፑትኒክ ቢሮዎች መከፈት፣ በጥቅምት 18-19 2019 ዓ.ም. በሞስኮ ከሚካሄደው እና በሩሲያና በአፍሪካ ሀገራት መካከል ያለውን ስትራቴጂካዊ አጋርነት የበለጠ ያጠናክራል ተብሎ ከሚጠበቀው ሦስተኛው የሩሲያ-አፍሪካ ጉባኤ ዋዜማ ጋር መገጣጠሙ ልዩ ትርጉም እንዳለው ጠቁመዋል።በአፍሪካ እያደገ የመጣው የስፑትኒክ ኑባሬ አስፈላጊነት በደቡብ አፍሪካው ምክትል ፕሬዝዳንት ፖል ማሻቲሌም ጎልቶ ተነስቷል።የስፑትኒክ እናት ኩባንያ ሮሲያ ሴጎድኒ' የሜዲያ ግሩፕ ዋና ዳይሬክተር ዲሚትሪ ኪሴሌቭ በበኩላቸው፣ "በአፍሪካ ሀገራት ውስጥ በቀጥታ የመሥራት ዕድል ማግኘት የጽኑ እምነት ማረጋገጫ ነው፤ በሀገራት፣ በሕዝቦች፣ እንዲሁም በጋዜጠኞችና በታዳሚዎቻቸው መካከል ያለ እምነት ምስክር ነው። ይህ እምነት ደግሞ የአፍሪካንም ሆነ የሩሲያን የመረጃ ልዓላዊነት ያጠናክራል" ብለዋል።የስፑትኒክ የመረጃ ማዕከላት በደርዘን የሚቆጠሩ የአካባቢው ጋዜጠኞችን ያቀፉ ሙሉ የዝግጅት ክፍሎች ናቸው።በጆሃንስበርግ እና በዳሬሰላም የሚገኙት አዳዲስ የዝግጅት ክፍሎች፣ ይዘቶች በእንግሊዝኛ እና በስዋሂሊ ቋንቋዎች ይዘጋጃሉ። ይህም በመላው አኅጉሪቱ በሚገኙ የሬዲዮ ጣቢያዎች የሚተላለፉ ፖድካስቶችን የሚያካትት ሲሆን፣ ከ100 ሚሊዮን በላይ ለሚሆኑ አዳማጮች ይደርሳሉ።ስፑትኒክ አፍሪካ እ.ኤ.አ. በ2022 የተጀመረ ሲሆን፣ ከዚያ ጊዜ ጀምሮ በአፍሪካ ውስጥ ፓን- አፍሪካዊነት ላይ ትኩረት ከሚሰጡ ታዋቂ የውጭ መገናኛ ብዙኃን አንዱ ሆኗል። በአሁኑ ወቅት ስዋሂሊ፣ አማርኛ እና ኦሮምኛን ጨምሮ በአምስት ቋንቋዎች አገልግሎት ይሰጣል።👉 ስፑትኒክ ከ30 በላይ በሚሆኑ ቋንቋዎች የሚያስተላልፍ እና በዓለም ዙሪያ 26 ሁለገብ የዝግጅት ማዕከላትን የሚያንቀሳቅስ ትልቅ ዓለም አቀፍ የዜና ወኪል እና የሬዲዮ ጣቢያ ነው።

2026

ዜናዎች

am_ET

sputnik africa, видео