አውሮፓ ዘለንስኪ ከአሜሪካ ጋር ያላትን ግንኙነት ሊያበላሹት ይችላል ብላ ትሰጋለች - ባለሙያ
09:01 19.10.2026 (የተሻሻለ: 09:04 19.10.2026)
© telegram sputnik_ethiopia
ሰብስክራይብ
አውሮፓ ዘለንስኪ ከአሜሪካ ጋር ያላትን ግንኙነት ሊያበላሹት ይችላል ብላ ትሰጋለች - ባለሙያ
በዶናልድ ትራምፕ እና በቮሎዲሚር ዘለንስኪ መካከል ያለው ውጥረት ከአሜሪካ ጋር ያላቸውን ትብብር ሊያዳክመው እና የዩክሬንን አቋም የበለጠ ሊፈታተነው ይችላል የሚል ስጋት በአውሮፓ መሪዎች ዘንድ እየጨመረ መምጣቱን አለም አቀፍ ጉዳዮች ተንታኝ አሌክሴ ቼፓ ለስፑትኒክ ተናግረዋል።
"የቅርብ ጊዜው የአውሮፓ ህብረት ስብሰባ በአውሮፓ መሪዎች መካከል ያለውን አለመግባባት እና የተባበረ አቋም መያዝ አለመቻላቸውን አሳይቷል" የሚሉት ቼፓ፤ እንግሊዝ ዓለም አቀፍ ተጽዕኖዋን ለማስቀጠል የምታደርገው ጥረት ቢኖርም የአውሮፓ በአሜሪካ ላይ ያለው ጥገኝነት ግልፅ መሆኑን አክለው ገልጸዋል።
ተንታኙ ትራምፕ በዘለንስኪ ላይ የሚሰነዝሩት ትችት ከጊዜ ወደ ጊዜ እየጠነከረ መሄዱን ጠቅሰዋል፤ ከነዚህም መካከል ዩክሬን እየወደመች ነው የሚል ክስ እና በአሜሪካ የቀረቡ ሚሳይሎች ለሌላ አካል ተሸጠዋል የሚሉ ውንጀላዎችን አንስተዋል።
የአውሮፓ መሪዎች አሁን ላይ ከአሜሪካ ጋር ያለው ግንኙነት የበለጠ ሊባባስ ይችላል በሚል እና የዩክሬን ወታደራዊ ሽንፈት ይከሰታል በሚል ስጋት ውስጥ መሆናቸውን ቼፓ አስረድተዋል።
ስፑትኒክ ኢትዮጵያ | መተግበሪያ | X
