በኢትዮጵያ የማኅፀን በር ካንሰር ታማሚዎች ከሐኪሞቻቸው ጋር ያላቸውን መተማመን የሚለካ ሥርዓት በአማርኛ ቋንቋ ተዘጋጀ
20:10 18.10.2026 (የተሻሻለ: 20:14 18.10.2026)
© telegram sputnik_ethiopia
ሰብስክራይብ
በኢትዮጵያ የማኅፀን በር ካንሰር ታማሚዎች ከሐኪሞቻቸው ጋር ያላቸውን መተማመን የሚለካ ሥርዓት በአማርኛ ቋንቋ ተዘጋጀ
በጥቁር አንበሳ ስፔሻላይዝድ ሆስፒታል በተካሄደ አዲስ ጥናት የማኅፀን በር ካንሰር ታማሚዎች፣ ከሐኪሞቻቸው ጋር ያላቸውን የነፃነትና የመተማመን ደረጃ በትክክል መገምገም የሚያስችል የመጀመሪያው የአማርኛ ቋንቋ መመዘኛ ስርዓት ይፋ ተደርጓል።
ዋና ዋና ነጥቦች ፦
ተመራማሪዎች ዓለም አቀፉ ‘ትረስት ኢን ኦንኮሎጂኦስት ስኬል’ መመዘኛ ለኢትዮጵያ ተጨባጭ ሁኔታ ተጣጥሞ ባለ 5 ጥያቄዎች አጭር አማርኛ መመዘኛ ሆኖ እንዲዘጋጅ አድርገዋል።
በልኬቱ የሐኪሙን ጥንቃቄ፣ እውነተኛ መረጃ የመስጠት ዝግጁነት፣ በትኩረት ማዳመጥ፣ ለታካሚው የሚሰጠውን ቅድሚያ እና አጠቃላይ እምነት ይመዘናል።
በጥናቱ መሠረት፣ ዝቅተኛ የጤና ግንዛቤ ያላቸው ታካሚዎች በሐኪሞቻቸው ላይ ከፍተኛ ጥገኝነትና እምነት አላቸው፤ ከፍተኛ ግንዛቤ ያላቸው ደግሞ የሐኪሞችን ውሳኔ የመጠየቅ ዝንባሌ አላቸው።
የልኬት ሥርዓቱ የሐኪምና የታካሚን ግንኙነት ለማሻሻል፣ ታካሚዎች በውሳኔዎች እንዲሳተፉ ለማድረግ እና የካንሰር ማዕከላትን ጥራት ለመገምገም ይረዳል።
ስፑትኒክ ኢትዮጵያ | መተግበሪያ | X
