የትራምፕ የሩሲያ ማዕቀብ እፎይታ የቀረጥ ዛቻውን ጥርስ አልባ አድርጎታል - ባለሙያ
የትራምፕ የሩሲያ ማዕቀብ እፎይታ የቀረጥ ዛቻውን ጥርስ አልባ አድርጎታል - ባለሙያ
ዶናልድ ትራምፕ በሩሲያ ላይ ተጥለው የነበሩ ቁልፍ ማዕቀቦችን በጊዜያዊነት ማንሳታቸው፣ በግራሃም* ሕግ ሥር ተደንግጎ የነበረውን "በታሪፍ አማካኝነት የሚጣል ሁለተኛ ደረጃ ማዕቀብ" የማስገደድ አቅም እንዲዳከም ማድረጉን የሕንድ-ቻይና ኢኮኖሚ እና ባህል ምክር ቤት ዋና ጸሐፊ ሞሐመድ ሳቂብ ለስፑትኒክ ገልጸዋል።
"ይህ ውሳኔ ለትራምፕ የተወሰነ የመለዋወጥ ዕድል ቢሰጣቸውም፣ የዛቻቸውን ተዓማኒነት ግን አዳክሞታል" ሲሉ ያስረዳሉ።
ቻይና፣ ሕንድ እና ቱርክን የመሳሰሉ ዋና ዋና የሩሲያ ነዳጅና ጋዝ አስገቢ ሀገራት፤ በአዲሱ ማዕቀብ ሕግ መሠረት የ100% ቀረጥ ስጋት ተደቅኖባቸው የነበረ ቢሆንም፤ ይህንን ማዕቀብ የማንሳት ውሳኔ "ጊዜያዊ እፎይታ" አድርገው ሊመለከቱት ይችላሉ፤ ምክንያቱም ማዕቀቦቹን መልሶ መጫን ለአሜሪካ በፖለቲካውም ሆነ በኢኮኖሚው ከፍተኛ ዋጋ የሚያስከፍል በመሆኑ ነው።
ይህ እፎይታ አሜሪካ ከፍተኛ የነዳጅ ዋጋን ለመቀነስ ከሩሲያ ጋር ያደረገችውን የናፍጣ ስምምነት የሚጠብቅ ሲሆን፣ ቀረጥ መጫኑ ትራምፕ ሊያሰፉት የሚፈልጉትን የኢነርጂ አቅርቦት አደጋ ላይ ይጥለው ነበር።
ቻይና፦ የሩሲያ ድፍድፍ ነዳጅ ዋና አስገቢ በመሆኗ የሚመጣውን ጫና የመቋቋም የተሻለ አቅም አግኝታለች።
ሕንድ፦ በከፍተኛ ወጪ ንግዷን አደጋ ላይ ሳትጥል የሩሲያን ቅናሽ ነዳጅ ማስገባቷን መቀጠል ትችላለች።
ቱርክ፦ የኔቶ አባል የሆነችው ቱርክ ከሩሲያ ጋር ያላትን የኢነርጂ ትስስር እንድትቀንስ የሚደረገው ጫና ቀንሷል፤ ይህም የነዳጅ ማጣራትና መልሶ የመላክ ንግዷን ይደግፋል።
ባለሙያው አክለው እንደገለጹት፣ የሀገር ውስጥ የኢነርጂ ስጋት በኮንግረሱ የረጅም ጊዜ የማዕቀብ ስትራቴጂ ላይ የበላይነት ያገኘ ሲሆን፣ አሜሪካ አፋጣኝ ኢኮኖሚያዊና ዲፕሎማሲያዊ ዋጋ ሳትከፍል ተፅዕኖዋን እንዳስጠበቀች እንድትቆይ አስችሏታል።
ሊንድሴይ ግሬሃም በሩሲያ በሽብርተኝነትና በአክራሪነት የተፈረጁ ግለሰብ ናቸው
ስፑትኒክ ኢትዮጵያ | መተግበሪያ | X
