የአፍሪካ ንፋስ ኃይል ዘርፍ ጥቂት ሀገራት ላይ ያተኮረ ነው - ባለሙያ
የአፍሪካ ንፋስ ኃይል ዘርፍ ጥቂት ሀገራት ላይ ያተኮረ ነው - ባለሙያ
አኅጉሪቱ በ2025 አዲስ የንፋስ ኃይል የማመንጨት አቅምን በመገንባት ረገድ አዲስ ስኬት ያስመዘገበች ቢሆንም፤ ዕድገቱ በጥቂት ሀገራት ላይ ብቻ የተወሰነ ሆኖ ቀጥሏል ሲሉ ግብፃዊው የኢነርጂ ባለሙያ ኡሳማ ፋውዚ ለስፑትኒክ ተናግረዋል።
ዋና ዋና ነጥቦች፦
🟠 ከ85% በላይ የሚሆነው የአፍሪካ የተገጠመ የንፋስ ኃይል ማመንጫ አቅም የሚገኘው በሦስት ሀገራት ብቻ ነው፤ እነሱም ደቡብ አፍሪካ፣ ግብፅ እና ሞሮኮ ናቸው።
🟠 ፋውዚ የእነዚህን ሀገራት ቀዳሚነት ለንፋስ ኃይል ማመንጫ ተስማሚ ስፍራዎች በመያዛቸው እና ለኢንቨስትመንት ምቹ የመንግሥት ፖሊሲዎች ስለሚከተሉ እንደሆነ ገልጸዋል። ሌሎች የአፍሪካ ሀገራት ደግሞ የመጀመሪያ ወጪያቸው ዝቅተኛ በመሆኑ ብዙ ጊዜ የፀሐይ ኃይልን ይመርጣሉ፣
🟠 ግብፅ፣ ሞሮኮ እና ደቡብ አፍሪካ እስከ 30-32 ዓመታት የሚዘልቁ የረጅም ጊዜ የኃይል ግዥ ስምምነቶችን መጠቀማቸው ኢንቨስተሮች ገቢያቸውን እና ወጪ የሚመልሱበትን ጊዜ አስቀድመው እንዲገምቱ ይረዳቸዋል፣
🟠 የተፈጥሮ ሀብት ብቻውን በቂ አይደለም። የሀገር ውስጥ እና የውጭ ካፒታልን ለመሳብ ግልጽ የሆኑ ሕጎች፣ የገበያ ደንቦች እና ማበረታቻዎች ያስፈልጋሉ። አንዳንድ ሀገራት ግልጽ እና አስተማማኝ የሕግ ማዕቀፎች እና ዋስትናዎች ይጎድላቸዋል፣
🟠 የኤሌክትሪክ ማስተላለፊያ መረብ አቅምም ወሳኝ ነው። በቂ የማስተላለፊያ መሠረተ ልማት ከሌለ የተገነቡት የንፋስ ኃይል ማመንጫዎች ኤሌክትሪክን በብቃት ማቅረብ አይችሉም፣
🟠 ለአፍሪካ ተጨማሪ ዕድገት ከሕግ ማሻሻያዎች እና ምቹ የኢንቨስትመንት ሁኔታዎች ጎን ለጎን የመሠረተ ልማት ዝርጋታ ያስፈልጋል።
ስፑትኒክ ኢትዮጵያ | መተግበሪያ | X
