ኢትዮጵያ የአዋሽ-ኮምቦልቻ የባቡር መስመር ግንባታን በሀገር ውስጥ አቅም ማከናወን ጀመረች
ኢትዮጵያ የአዋሽ-ኮምቦልቻ የባቡር መስመር ግንባታን በሀገር ውስጥ አቅም ማከናወን ጀመረች
የኢትዮጵያ ምድር ባቡር ኮርፖሬሽን ከባቡር መሥመሩ የግንባታ ተቋራጭ "ያፒ መርከዚ" ጋር ያለው የግልግል ዳኝነት ሳይጠናቀቅ ፕሮጀክቱን ለማንቀሳቀስ የራሱን ሠራተኞች፣ ማሽነሪዎች እና ቁሳቁሶች ወደ ስፍራው ማሰማራቱን የሀገር ውስጥ የግል ሚዲያ ዘግቧል።
ዋና ዋና ነጥቦች፦
▪ የሕግ ክርክሩ ሁኔታ፦ የቱርኩ ተቋራጭ ያቀረበውን 1 ቢሊዮን ዶላር የካሳ ጥያቄ የለንደኑ ዓለም አቀፍ የዳኝነት ፍርድ ቤት እያየው ሲሆን፣ የኢትዮጵያ ባለሙያዎች ከ70% በላይ የሚሆነውን ጥያቄ ውድቅ ማድረግ ችለዋል።
▪ የተከናወኑ ሥራዎች፦ ኮርፖሬሽኑ እስካሁን 70 ኪሎ ሜትር ያህል መስመር የጠገነ ሲሆን፣ በቅርቡ የሙከራ ጉዞዎችን ለመጀመር እየተዘጋጀ ይገኛል።
▪ የጊዜ ሰሌዳ፦ አንደኛውን ምዕራፍ (እስከ ኮምቦልቻ) በሚቀጥሉት 2 ዓመታት ውስጥ ለማጠናቀቅ ታቅዷል።
▪ የሀገር ውስጥ አቅም፦ በጥናት እንደትእመላከተው የሀገር ውስጥ ኩባንያዎችና ባለሙያዎች 68.3% የሚሆነውን የባቡር መሠረተ ልማት ሥራዎችን በራሳቸው ማከናወን የሚችሉበት አቅም አላቸው።
በ2007 ዓ.ም. በ1.7 ቢሊዮን ዶላር ውል የተጀመረው ይህ 392 ኪሎ ሜትር የባቡር ፕሮጀክት፣ ማዕከላዊ እና ሰሜን ኢትዮጵያን የሚያገናኙ 12 ዋሻዎችን እና 52 ድልድዮችን ያካተተ ነው።
ስፑትኒክ ኢትዮጵያ | መተግበሪያ | X
