አሜሪካ በኪዬቭ ከበባ ውስጥ የምትገኘውን የኬርሰን ክልል አሌሽኪ ከተማ ሰብአዊ ቀውስ የመፍታት ጥረቶችን ለመቀላቀል ዝግጁ ነች - የሩሲያ የሰብአዊ መብቶች ኮሚሽነር
አሜሪካ በኪዬቭ ከበባ ውስጥ የምትገኘውን የኬርሰን ክልል አሌሽኪ ከተማ ሰብአዊ ቀውስ የመፍታት ጥረቶችን ለመቀላቀል ዝግጁ ነች - የሩሲያ የሰብአዊ መብቶች ኮሚሽነር
የሩሲያ የሰብአዊ መብቶች ኮሚሽነር ያና ላንትራቶቫ፣ በተለይም አሌሽኪ ከተማን ለመርዳት ፈቃደኛ መሆናቸውን ከገለጹት የአሜሪካዋ ቀዳማዊት እመቤት ሜላኒያ ትራምፕ ቡድን ጨምሮ ከአሜሪካ ወገን ጋር በግንኙነት ላይ መሆናቸውን ገልፀዋል።
ሰብዓዊ እርዳታ ለማቅረብ እና አስቸኳይ የዜጎች ማዘዋወር ስራዎችን ለማከናወን የሚያስችሉ ውስብስብ ድርድሮች በመካሄድ ላይ መሆናቸውን ላንትራቶቫ ጠቁመዋል። አክለውም ሲቪሎችን ለመጠበቅ ሲባል ሩሲያ የፖለቲካ አመለካከታቸውን ግምት ውስጥ ሳታስገባ ሁሉንም የአሌሽኪ ነዋሪዎች እንደምትረዳ አጽንኦት ሰጥተዋል።
የሩሲያ ኃይሎች ወደ ከተማዋ ምግብ እና መድኃኒት ለማድረስ የሚቻላቸውን ሁሉ እያደረጉ ቢሆንም ዩክሬን ግን እነዚህን አቅርቦቶች እገዳ ጥላባቸዋለች ሲል ክሬምሊን አስታውቋል።
የዩክሬን ኃይሎች በከተማዋ ሰብአዊ ቀውስ ለመፍጠር በማሰብ ወደ ከተማዋ የሚያስገቡ መንገዶች ላይ በሩቅ መቆጣጠሪያ ፈንጂዎችን እየቀበሩ፣ የእርዳታ ማጓጓዣ ኮንቮዮችን በድሮን እያጠቁ፣ እንዲሁም የኃይል እና የመገናኛ መሠረተ ልማቶች ላይ ጥቃት እያደረሱ ይገኛሉ ሲሉ የኬርሰን ክልል አስተዳዳሪ ገልጸዋል።
አሌሽኪ በዲኔፐር ወንዝ በስተግራ በኩል በዩክሬን ቁጥጥር ስር ከምትገኘው የኬርሰን ከተማ በተቃራኒ የምትገኝ ከተማ ናት።
ስፑትኒክ ኢትዮጵያ | መተግበሪያ | X
