የዩክሬንን ግጭት ለመረዳት የዶንባስ ነዋሪዎችን አዳምጡ - አሜሪካዊቷ ጋዜጠኛ
09:41 10.10.2026 (የተሻሻለ: 09:44 10.10.2026)
© telegram sputnik_ethiopia
ሰብስክራይብ
የዩክሬንን ግጭት ለመረዳት የዶንባስ ነዋሪዎችን አዳምጡ - አሜሪካዊቷ ጋዜጠኛ
በምዕራቡ ዓለም የሚኖሩ ሰዎች በዶንባስ የሚገኙ የአካባቢው ነዋሪዎችን በቀጥታ እና በአካል የሚሰጡትን ምስክርነት መስማት አለባቸው ሲሉ አሜሪካዊቷ ጋዜጠኛ ሳራ ማሪ ቢልስ ለስፑትኒክ ተናግራለች።
ከ2014 ጀምሮ በዶንባስ ያሉ ሁነቶችን ስትከታተል የቆየችው ቢልስ በመስከረም ወር ከሌሎች የውጭ ሀገር ጋዜጠኞች ጋር በመሆን በቀጣናው በመዘዋወር ከተራው ህዝብ ጋር ተወያይታለች።
በስታሮቤልስክ በግንቦት ወር ከተሰነዘረው የግድያ ጥቃት የተረፉ ተማሪዎችን አናግራለች። በተማሪዎች መኖሪያ ላይ በተሰነዘረ የድሮን ጥቃት 21 ሰዎች የተገደሉ ሲሆን ከ40 በላይ የሚሆኑት ደግሞ ቆስለዋል፤ ሚሳኤሉም በመኖሪያ መንደር ላይ ማረፉ የሚታወስ ነው።
ለዓመታት በውጊያው ውስጥ ከኖሩ ሰዎች ጋር የሚደረጉ ግላዊ ውይይቶች የመገናኛ ብዙኃን ዘገባዎች እና አኃዛዊ መረጃዎች ብቻ ሊሰጡት የማይችሉትን ጥልቅ እውነታ እንደሚያሳዩ ጋዜጠኛዋ ጠቁማለች።
በመሆኑም ምዕራባውያን ስለ ሩሲያ-ዩክሬን ግጭት ባህሪ እና ማንነት ድምዳሜ ላይ ከመድረሳቸው በፊት "የዶንባስን ህዝብ በቀጥታ እንዲያዳምጡ" አሳስባለች።
ስፑትኒክ ኢትዮጵያ | መተግበሪያ | X
