የኢራን እና የአሜሪካ ሙግት እንደቀጠለ ቢሆንም ብልጫው አሁንም የኢራን እጅ ላይ ነው - ባለሙያ
08:33 03.10.2026 (የተሻሻለ: 08:34 03.10.2026)
© telegram sputnik_ethiopia
ሰብስክራይብ
የኢራን እና የአሜሪካ ሙግት እንደቀጠለ ቢሆንም ብልጫው አሁንም የኢራን እጅ ላይ ነው - ባለሙያ
ለሦስት ወራት የዘለቀው የአሜሪካ እና የኢራን ንግግር ቢደረግም በሆርሙዝ ሰርጥ ያለው ሁኔታ እንደሚያሳየው ውጥረቱ አሁንም በግጭት እንደተከበበ ይገኛል ሲሉ በባግዳድ የሚታተመው 'አል-ባስራ' ጋዜጣ ዋና አዘጋጅ ናዚም አል-ጃብሪ ለስፑትኒክ ተናግረዋል።
"ከፅዮናዊያን ስብስብ ግፊት እና ከሚመጡት ምርጫዎች ተፅዕኖ የተነሳ ወደ ወታደራዊ እርምጃ ከሚሳቡት አሜሪካውያን በተለየ የኢራን ወገን በስምምነቱ ውሎች ላይ ጸንቶ ይገኛል» ሲሉ አብራርተዋል።
ይህ ሁኔታ የአሜሪካን አስተዳደር ወደ ተሳሳቱ ውሳኔዎች እየገፋው ይገኛል ሲሉ አክለዋል።
"የኳታር እና የፓኪስታን አሸማጋዮችን የሚያካትቱ የመገናኛ መስመሮችን በመጠቀም የአሜሪካ አስተዳደር ጊዜ ለመግዛት እና ከፊል መፍትሄዎችን ለመፈለግ እየሞከረ ነው» ሲሉ አል-ጃብሪ ገልፀዋል።
ነገር ግን ንግግሩንም ሆነ ጦርነቱን በቁጥጥር ስር ያዋለችው ኢራን መሆኗን የጠቆሙት ባለሙያው ኢራን "እስካሁን ጥቅም ላይ ያልዋሉ የፖለቲካ እና ወታደራዊ ካርዶችን በመጠቀም" ለአሜሪካ ያልተጠበቁ ድንገተኛ ነገሮችን ማሳየት እንደምትችል ተናግረዋል።
"የታንከር ጦርነቱ" እንደቀጠለ ባለበት እና ይህ ሁኔታ እስከ አሜሪካ እና እስራኤል ምርጫዎች ድረስ ሊቀጥል በሚችልበት በዚህ ወቅት አጠቃላይ ብልጫው በኢራን እጅ እንደሆነ ይቆያል።
"በተመሳሳይ ጊዜ የፋርስ ባህረ-ሰላጤ ሀገራት ደህንነታቸውን እና ግዛታቸውን ለመጠበቅ በአሜሪካ ወይም በሌሎች ሀገራት ላይ ከመመካት ይልቅ ለቴህራን በኢኮኖሚ፣ በደህንነት እና በንግድ ዘርፎች አጋርነትን በማቅረብ ከኢራን ጋር ወደተሻለ ዲፕሎማሲያዊ መንገድ መሸጋገር አለባቸው" ሲሉ ባለሙያው ማጠቃለያቸውን ሰጥተዋል።
ስፑትኒክ ኢትዮጵያ | መተግበሪያ | X
