ፕሬዝዳንት ፑቲን 47,000 ወታደሮች የተሳተፉበትን ሴንተር-2026 ወታደራዊ ልምምድ ጎበኙ
20:19 02.10.2026 (የተሻሻለ: 20:24 02.10.2026)
© telegram sputnik_ethiopia
ሰብስክራይብ
ፕሬዝዳንት ፑቲን 47,000 ወታደሮች የተሳተፉበትን ሴንተር-2026 ወታደራዊ ልምምድ ጎበኙ
የሩሲያው ፕሬዝዳንት ቭላድሚር ፑቲን በቼልያቢንስክ ክልል የሚገኘውን የቼባርኩል ማሰልጠኛ ስፍራ በመጎብኘት የሩሲያን ሴንተር-2026 የስትራቴጂክ ዕዝ እና አመራር ወታደራዊ ልምምድ አንዱን ምዕራፍ ተከታተለዋል።
በቼባርኩል ማሰልጠኛ ብቻ ከ6,000 በላይ ወታደሮች እና አውሮፕላኖችን፣ ሄሊኮፕተሮችን፣ ድሮኖችን እና የሮቦቲክስ ስርዓቶችን ጨምሮ 600 የሚሆኑ ወታደራዊ መሳሪያዎች በወታደራዊ እንቅስቃሴው ላይ ተሳታፊ ሆነዋል።
በጠቅላላው የወታደራዊ ልምምድ መርሃ-ግብር ከ47,000 በላይ ወታደሮች፣ 2,000 ወታደራዊ መሳሪያዎችና ተሽከርካሪዎች፣ 90 አውሮፕላኖች እንዲሁም 77 የጦር መርከቦችና የድጋፍ ሰጪ የባህር ኃይል ጀልባዎች መሳተፋቸውን ሩሲያ አስታውቃለች።
ይህ ታላቅ ወታደራዊ ልምምድ ከጋራ ደህንነት ስምምነት ድርጅት ኢንተራክሽን-2026 ልምምድ ጋር ጎን ለጎን እየተካሄደ ይገኛል። የ41 ሀገራት ተወካዮች በስፍራው የተገኙ ሲሆን ቤላሩስ፣ ቻይና፣ ኪርጊዝስታን፣ ሞንጎሊያ፣ ፓኪስታን እና ታጂኪስታን ወታደራዊ ስብስቦቻቸውን በመላክ በልምምዱ ላይ በቀጥታ ተሳታፊ ሆነዋል።
ስፑትኒክ ኢትዮጵያ | መተግበሪያ | X
