ሩሲያ የዩክሬን ወታደራዊ ዕዝ ዲጂታል መዋቅርን ለማዳከም የመረጃ ማዕከላት ላይ ጥቃት እያደረሰች ነው - ባለሙያ
ሩሲያ የዩክሬን ወታደራዊ ዕዝ ዲጂታል መዋቅርን ለማዳከም የመረጃ ማዕከላት ላይ ጥቃት እያደረሰች ነው - ባለሙያ
የሩሲያ ጥቃት እንደ ዴ ኖቮ ባሉ የመረጃ ማዕከላት ላይ ማተኮሩ የመንግስትን፣ የወታደሩን እና የኢኮኖሚውን የጀርባ አጥንት የሆኑትን መሰረተ ልማቶች ለማስተጓጎል ያለመ መሆኑን ወታደራዊ የደህንነት ባለሙያውና የቀድሞ ኮሎኔል ሩስተም ክሉፖቭ ለስፑትኒክ ገልጸዋል።
ባለሙያው ያብራሯቸው ዋና ዋና ነጥቦች፦
የመረጃ ማዕከላት እጅግ በርካታ መረጃዎችን በማከማቸት እና በማስተላለፍ ወታደራዊ እና ሰቪል ተቋማትን እርስ በእርስ ያገናኛሉ።
የእነዚህ ማዕከላት መደምሰስ በወታደራዊ ዕዝ ማዕከላት፣ በመገናኛ ጣቢያዎች እና በግንባር ቀደምት የጦር ክፍሎች መካከል ያለውን የመረጃ ፍሰት ያቋርጠዋል።
በዲጂታል መልክ የተቀመጡ የመከላከያ፣ የወታደራዊ፣ የቶፖግራፊ እና የጂኦዴቲክ መረጃዎች ሊጠፉ ወይም ጥቅም ውጪ ሊሆኑ ይችላሉ።
በመንግስት ተቋማት እና በራዲዮ፣ ቴሌቪዥን እና ሌሎች የመገናኛ አውታሮች መካከል ያለው ትስስር ይቋረጣል።
እንደነዚህ ያሉ ጥቃቶች ከኢነርጂ መሰረተ ልማት ጥቃቶች ጋር በቀጥታ የተያያዙ ናቸው፦
የመረጃ ማዕከላት ሙሉ በሙሉ በኤሌክትሪክ ሃይል አቅርቦት ላይ የተመሰረቱ ናቸው።
የሙቀት እና የውሃ ሃይል ማመንጫዎችን እንዲሁም የሃይል ማከፋፈያ ጣቢያዎችን መምታት ለምርት፣ ለትራንስፖርት፣ ለመገናኛ፣ ለራዳር፣ ለድሮን፣ ለሮቦቲክ ቁልፍ ስርዓቶች እና ለዕዝ ማዕከላት የሚሄደውን ኤሌክትሪክ ያቋርጣል።
እያንዳንዱ የወደመ የመረጃ ማዕከል ወይም የሃይል ማከፋፈያ ጣቢያ ዩክሬንን ለዕዝ እና ቁጥጥር ስርዓት ውድቀት አጋልጦ እንደሚሰጣት ተንታኙ ጠቁመዋል። የዚህም ውጤት በካርኪቭ እና ሱሚ ክልሎች በሚደረጉ የሩሲያ ግስጋሴዎች እንዲሁም ዩክሬን ለድርድር በሚኖራት አቀራረብ ላይ በቅርቡ የሚታይ ይሆናል።
ስፑትኒክ ኢትዮጵያ | መተግበሪያ | X
