ጋና ከእንግሊዙ የነዳጅ ኩባንያ ቱሎው ጋር የነበራት የ393 ሚሊዮን ዶላር የግብር ውዝግብ አሸነፈች – የገንዘብ ሚኒስቴር
08:25 01.10.2026 (የተሻሻለ: 08:34 01.10.2026)
© telegram sputnik_ethiopia
ሰብስክራይብ
ጋና ከእንግሊዙ የነዳጅ ኩባንያ ቱሎው ጋር የነበራት የ393 ሚሊዮን ዶላር የግብር ውዝግብ አሸነፈች – የገንዘብ ሚኒስቴር
ውዝግቡ ያተኮረው ኩባንያው ከንግድ መስተጓጎል ዋስትና ባገኘው ገቢ ላይ በተጣለው ግብር ላይ ሲሆን፣ ገላጋይ ፍርድ ቤቱ የቱሎውን ቅሬታዎች በሙሉ ውድቅ ማድረጉን የጋና የገንዘብ ሚኒስቴር አስታውቋል።
ዋና ዋና ነጥቦች፦
🟠 በዓለም አቀፍ የንግድ ምክር ቤት ሥር የሚገኘው የግልግል ዳኝነት አካል፣ የጋና የገቢዎች ባለሥልጣንን የ393.09 ሚሊዮን ዶላር የግብር ውሳኔ ሙሉ በሙሉ አጽድቋል።
🟠 ፍርድ ቤቱ፣ ውሳኔው የነዳጅ ስምምነቶችን እንደልጣሰ፣ ቅጣቱም በአግባቡ እንደተተገበረ፣ የግብር ጥያቄው በሕግ የጊዜ ገደብ እንዳልታገደ እና የገቢዎች ባለሥልጣን የወሰደው የሕግ ማስከበር እርምጃ ሕጋዊ መሆኑን አረጋግጧል።
🟠 መንግሥት የኩባንያውን የሥራ እንቅስቃሴዎች እየጠበቀ የፍርድ ቤቱን ውሳኔ ለመተግበር ከቱሎው ጋር በቅርበት እንደሚሠራ ገልጿል።
"የዚህ ውሳኔ ውጤት ጋና ገና ከጅማሮው ስታንጸባርቅ የነበረችውን አቋም ያረጋገጠ ነው፤ ይህም በዚህች ሀገር ውስጥ የሚሠራ ማንኛውም ኩባንያ፣ መጠኑ ምንም ያህል ቢሆን፣ ለጋና ሕግጋት ተገዥ ነው" ሲሉ የገንዘብ ሚኒስትሩ ዶ/ር ካሲኤል አቶ ፎርሰን ተናግረዋል።
ስፑትኒክ ኢትዮጵያ | መተግበሪያ | X
