በሩሲያዋ ሴንት ፒተርስበርግ ሲካሄድ የቆየው ዓለም አቀፍ የባሕሎች ኅብረት ፎረም ተጠናቀቀ
21:00 27.09.2026 (የተሻሻለ: 21:04 27.09.2026)
© telegram sputnik_ethiopia
ሰብስክራይብ
በሩሲያዋ ሴንት ፒተርስበርግ ሲካሄድ የቆየው ዓለም አቀፍ የባሕሎች ኅብረት ፎረም ተጠናቀቀ
ለ12ኛ ጊዜ የተካሄደው ፎረም በቅርስ፣ በዓለም አቀፍ ትብብር እና በአዳዲስ የሥነ-ጥበብ ቴክኖሎጂዎች ላይ ባተኮሩ ወደ 66 በሚጠጉ መርኃ-ግብሮች፤ ከ70 ሀገራት የተውጣጡ 2,468 ተሳታፊዎች እና 454 ተናጋሪዎችን አሰባስቧል።
በዝግጅቱ ላይ ንግግር ያደረጉት ፕሬዚዳንት ቭላድሚር ፑቲን፤ ባሕል የፖለቲካ ውጥረቶች ቢኖሩም ውይይቶችን ለማስቀጠል ሊረዳ እንደሚችል እንዲሁም አንድነት የእያንዳንዱን ሕዝብ ወጎችና ማንነት በመጠበቅ ላይ አተኩሮ ትብብርን መሠረት ያደረገ መሆን እንዳለበት ገልጸዋል።
ከመስከረም 15-16 የተካሄደው ይህ ፎረም፤ ከባሕሉ ዘርፍ የተውጣጡ ሰዎችን፣ የሳይንስ ሊቃውንትን እንዲሁም የንግድ፣ የመንግሥት እና የዓለም አቀፍ ድርጅቶች ተወካዮችን አገናኝቷል።
ስፑትኒክ ኢትዮጵያ | መተግበሪያ | X
