ፓኪስታን እና አፍሪካ የንግድ ልውውጣቸውን በጎርጎሮሳዊያኑ 2030 እስከ 15 ቢሊዮን ዶላር ማሳደግ ይችሉ ይሆን? ባለሙያው ማብራሪያ ሰጥተዋል
ፓኪስታን እና አፍሪካ የንግድ ልውውጣቸውን በጎርጎሮሳዊያኑ 2030 እስከ 15 ቢሊዮን ዶላር ማሳደግ ይችሉ ይሆን? ባለሙያው ማብራሪያ ሰጥተዋል
በኢስላማባድ የፓኪስታን-አፍሪካ ኢኮኖሚ ምክር ቤት በተመሰረተበት ወቅት፣ ፓኪስታን እና የአፍሪካ ሀገራት እ.ኤ.አ በ2030 የንግድ ልውውጣቸውን ወደ 15 ቢሊዮን ዶላር ለማሳደግ ያላቸውን ቁርጠኝነት አድሰዋል።
በኢስላማባድ የቋይድ-ኢ-አዛም ዩኒቨርሲቲ ተባባሪ ፕሮፌሰር የሆኑት ሰኢድ አህመድ ሪድ እንደገለጹት፣ "ወቅታዊውን የጂኦፖለቲካዊ ሁኔታ እና የፓኪስታንን የኢኮኖሚ ሁኔታ ግምት ውስጥ በማስገባት በ2030 የሁለትዮሽ ንግዱን 15 ቢሊዮን ዶላር የማድረስ ግብ በጣም ትልቅ ይመስላል።" እ.ኤ.አ. በ2024–25 የንግድ ልውውጡ ወደ 4.85 ቢሊዮን ዶላር ገደማ እንደነበር ያስታውሳሉ።
ይህንን ግብ ለማሳካት በጊዜያዊ ግብይት ላይ ከተመሰረተ አካሄድ ወደ ዘላቂ የገበያ ልማት ስትራቴጂ መቀየር ያስፈልጋል። ይህም ኢንቨስትመንትን፣ የሀገር ውስጥ አጋርነትን፣ የምርት ስርጭት ትስስሮችን እና ከአፍሪካ የዕሴት ሰንሰለቶች ጋር መዋሃድን ያካትታል ብለዋል ሪድ። የመድኃኒት፣ የቀዶ ሕክምና መሳሪያዎች፣ የኢንጂነሪንግ ምርቶች እና የግብርና ቴክኖሎጂዎች የላቀ ዕድል ያላቸው ዘርፎች እንደሆኑም ጠቅሰዋል።
የፓኪስታን ንግድ ሚኒስቴር 10 ቅድሚያ የሚሰጣቸውን የአፍሪካ አጋሮች የለየ ሲሆን፤ በተለይም ግብጽ፣ ኬንያ፣ ናይጄሪያ፣ ደቡብ አፍሪካ እና ታንዛኒያ የበለጠ አስፈላጊ ናቸው።
"ግብጽ ከፓኪስታን እና ከሳዑዲ ዓረብያ ጋር በተያያዙ የክልላዊ ደህንነት ስምምነቶች ከተቀላቀለች አስፈላጊነቷ የበለጠ ሊጨምር ይችላል" ያሉት ሪድ፣ ግብጽ የመካ የጋራ መከላከያ ስምምነትን ልትቀላቀል የምትችልበት አጋጣሚ እንዳለ ጠቁመው፣ ሆኖም ይህም በይፋ እስካልተረጋገጠ ድረስ ወደፊት የሚጠበቅ ጉዳይ እንደሆነ ገልጸዋል።
ስፑትኒክ ኢትዮጵያ | መተግበሪያ | X
