ብሪክስ አይ.ኤም.ኤፍ እና ዓለም ባንክ ዓለም አቀፍ ኢኮኖሚያዊ ለውጦችን ያንጸባረቀ ማሻሻያ እንዲያደርጉ ጥሪ አቀረበ
08:32 12.09.2026 (የተሻሻለ: 08:34 12.09.2026)
© telegram sputnik_ethiopia
ሰብስክራይብ
ብሪክስ አይ.ኤም.ኤፍ እና ዓለም ባንክ ዓለም አቀፍ ኢኮኖሚያዊ ለውጦችን ያንጸባረቀ ማሻሻያ እንዲያደርጉ ጥሪ አቀረበ
የዓለም የገንዘብ ተቋም እና ዓለም ባንክ ከተመሠረቱበት ጊዜ አንስቶ በዓለም ኢኮኖሚ ውስጥ የታዩትን ለውጦች ለማንጸባረቅ የአስተዳደር መዋቅሮቻቸውን ማሻሻል አለባቸው ሲሉ የብሪክስ የገንዘብ ሚኒስትሮች እና የማዕከላዊ ባንክ ገዥዎች ገልጸዋል።
መግለጫው "በማደግ ላይ ያሉ ሀገራት ድምጽ እና ውክልና በዓለም ኢኮኖሚ ውስጥ ያላቸውን አንጻራዊ ቦታ ማንጸባረቅ አለበት" ብሏል።
ብሪክስ የዓለም አቀፍ የኢኮኖሚ አስተዳደር ማሻሻያ ቅድሚያ የሚሰጠው ጉዳይ እንደሆነ በመጥቀስ፤ ዓለም አቀፍ የፋይናንስ ተቋማት ይበልጥ ውክልናን የሚያረጋግጡ፣ ግልጽ፣ ተጠያቂ እና ውጤታማ እንዲሆኑ አሳስቧል።
በዓለም አቀፉ የገንዘብ ተቋምና በዓለም ባንክ ውስጥ ድምጽ የመስጠት ሥልጣን የሚወሰነው በኮታ ሲሆን ይህ ሥርዓት ሀገራት የሚያደርጉትን የፋይናንስ መዋጮና የሚያገኙትን የብድር መጠን ይወስናል።
ቻይና እና ህንድ ኮታቸው እንዲጨምር ከሚጠይቁ ሀገራት መካከል ናቸው። አሜሪካ ግን ተጽዕኖዋን ሊቀንሱ የሚችሉ ለውጦችን ትቃወማለች። ከዚህ ቀደም ማሻሻያዎች ቢደረጉም፤ በማደግ ላይ ያሉ ኢኮኖሚዎች አሁንም በዓለም አቀፉ የገንዘብ ተቋም ካፒታል ውስጥ ያላቸው ድርሻ ከግማሽ በታች ነው።
የስፑትኒክ ዘጋቢ በብሪክስ የንግድ መድረክ የቀረጸው ቪዲዮ።
ስፑትኒክ ኢትዮጵያ | መተግበሪያ | X
