ሱዳን ለሕዝብ ጥቅም የሚበጁ የብሔራዊ ውይይት ውጤቶችን ለመተግበር ቁርጠኛ ናት - አል-ቡርሃን
ሱዳን ለሕዝብ ጥቅም የሚበጁ የብሔራዊ ውይይት ውጤቶችን ለመተግበር ቁርጠኛ ናት - አል-ቡርሃን
ውይይቱ ወታደራዊ ተሳትፎ እንደማይኖርበትና የፖለቲካ እንዲሁም የሲቪል ኃይሎችን ብቻ እንደሚያካትት፤ የሱዳን የሽግግር ሉዓላዊነት ምክር ቤት ሊቀመንበር አብደል ፈታህ አል-ቡርሃን ለሱዳን የመገናኛ ብዙኃን ተወካዮች ተናግረዋል፡፡
አክለውም ተሳታፊዎቹ ሀገሪቱን በፍትሕና በእኩልነት ላይ ለመገንባት የሚሹ አካላት መሆናቸውን አብራርተዋል።
ከአል-ቡርሃን ንግግር የተወሰዱ ዋና ዋና ነጥቦች፦
◻ የመሣሪያ ማዕቀብ፦ በአሜሪካ በተመድ የፀጥታው ምክር ቤት የቀረበው የመሣሪያ ማዕቀብ ውሳኔ "አይፀድቅም"፤ በመከላከያ ሠራዊቱ ላይም ምንም ዓይነት ተፅዕኖ አይኖረውም ሲሉ አረጋግጠዋል።
◻ ከጦርነቱ በኋላ ምንም ዓይነት ታጣቂ አይኖርም፦ መሣሪያ በማንሣት የሚጠቀም ቡድን እንደማይኖር የገቡትን ቃል ያደሱ ሲሆን የፈጥኖ ደራሽ ኃይል አሸባሪ ሚሊሺያ በሱዳን መንግሥት ውስጥ ምንም ዓይነት ሚና እንደማይኖረው አበክረዋል።
◻ ጥቅምት 15 ቀን 2014 ዓ.ም፦ በወቅቱ የተከሰተው ድርጊት መፈንቅለ መንግሥት ሳይሆን የአብዮቱን መንገድ ማቅኛ እንደነበር ገልጸው፤ የመጀመሪያው የሐምዶክ መንግሥት ሀገር የመገንባት ጥረት አልተሳካም ብለዋል።
◻ ውድቅ የተደረገው ስምምነት፦ የቀድሞው የሐምዶክ ሚኒስትሮች አስፈጻሚውን አካል በመቆጣጠር ለ10 ዓመታት ለመግዛት ያዘጋጁትን ስምምነት እርሳቸው ውድቅ እንዳደረጉት ይፋ አድርገዋል።
◻ የአሜሪካ ጥሪ፦ አሜሪካውያን ወደ ሱዳን መጥተው በመሬት ላይ ያለውን ሁኔታ እንዲገመግሙ ጥሪ ማቅረባቸውንና ጥሪው እስካሁን ምላሽ እንዳላገኘ ገልጸዋል።
አል-ቡርሃን የሱዳንን ሕዝብ "የክብር ተጋድሎ" አድንቀው፤ መስዋዕትነቶቹ ሊመዘገቡ እንደሚገባ ጥሪ አቅርበዋል። ከሱዳን ጎን የቆሙ ወዳጅ ሀገራትንም አመሥግነዋል።
ስፑትኒክ ኢትዮጵያ | መተግበሪያ | X
