የቡርኪና ፋሶ ፕሬዝዳንት የገቢ ምርቶችን በመቀነስ በምግብ ራስን የመቻል ጥሪ አቀረቡ
15:05 06.09.2026 (የተሻሻለ: 15:14 06.09.2026)
© telegram sputnik_ethiopia
ሰብስክራይብ
የቡርኪና ፋሶ ፕሬዝዳንት የገቢ ምርቶችን በመቀነስ በምግብ ራስን የመቻል ጥሪ አቀረቡ
የቡርኪና ፋሶ ፕሬዝዳንት ኢብራሂም ትራኦሬ ሀገሪቱ በገቢ ምርቶች ላይ ያላትን ጥገኝነት ለመቀነስ የሀገር ውስጥ ምርትን እና ማቀባበርን ማሳደግ እንደሚገባ ነሐሴ 29 አፅንኦት ሰጥተው ተናግረዋል።
በጦርነት ጉዳት የደረሰባቸውን ባልቴቶች፣ ወላጅ አልባ ሕፃናትን እና የጦር ሰለባዎችን በሚደግፈው ኤጀንሲ አዘጋጅነት በተካሄደው የ4ኛው ዙር ሰልጣኞች የምረቃ ሥነ-ሥርዓት ላይ የተገኙት ትራኦሬ፤ ሀገሪቱ በገቢ ምግብ ላይ ያላትን ጥገኝነት ተችተዋል። "ቡርኪና ፋሶ እንደ እንቁላል እና ዶሮ ያሉ መሠረታዊ ምርቶችን ከውጭ ማስገባት አይገባትም" ሲሉም ተናግረዋል።
በዕለቱ በግብርና፣ በቤት እንስሳት እርባታ፣ በሜካኒክስ፣ በቢሮ ክህሎት እንዲሁም በሳሙና፣ በኮስሞቲክስ እና በምግብ ማቀባበር ዘርፍ የሰለጠኑ 385 ባልቴቶች፣ ወላጅ አልባ ሕፃናት እና የጦርነት ሰለባዎች ተመርቀዋል።
መንግሥት ለተመራቂዎቹ አስፈላጊ የመሥሪያ መሣሪያዎችን፣ የምርት ድጋፍን እና በመንግሥት የግዢ ሥርዓት በኩል ጭምር የተረጋገጠ የገበያ ዕድል እንደሚያመቻችላቸው ቃል ገብቷል።
ስፑትኒክ ኢትዮጵያ | መተግበሪያ | X
