ዚምቧቤ እና ሞዛምቢክ የቀጣናውን የንግድ ትስስር ለማጠናከር የሁለት ደረቅ ወደቦች ግንባታ ጀመሩ
16:50 17.07.2026 (የተሻሻለ: 16:54 17.07.2026)
© telegram sputnik_ethiopia
ሰብስክራይብ
ዚምቧቤ እና ሞዛምቢክ የቀጣናውን የንግድ ትስስር ለማጠናከር የሁለት ደረቅ ወደቦች ግንባታ ጀመሩ
የሙታሬ ደረቅ ወደብ ግንባታ እየተካሄደ ሲሆን ሞዛምቢክ በበኩሏ የቤይራ ወደብ ተጨማሪ አካል ሆኖ የሚያገለግልና 110 ሚሊዮን ዶላር የሚፈጅ ደረቅ ወደብ በሶፋላ ግዛት ዶንዶ በተባለ ቦታ እንዲገነባ አጽድቃለች።
የእነዚህ ደረቅ ወደቦች ግንባታ በፎርብስ የድንበር ኬላ ላይ የሚስተዋለውን ከፍተኛ መጨናነቅ ለማቃለል እና በደቡባዊ አፍሪካ ቁልፍ ከሆኑ የንግድ መስመሮች አንዱ በሆነው በቤይራ ኮሪደር ያለውን የሥራ ቅልጥፍና ለማሻሻል ያለመ ነው።
ቁልፍ መረጃዎች፦
▪ የሁለቱ ሀገራት ባለሥልጣናት ዘመናዊ የመግቢያና መውጫ ኬላዎችን በመገንባት፣ ቀልጣፋ የጉምሩክ አሠራሮችን በማስተዋወቅ እንዲሁም በድንበር መሥሪያ ቤቶች መካከል ያለውን ቅንጅት በማሳደግ ላይ ይገኛሉ።
▪ ሞዛምቢክ ማቺፓንዳ እና ንያንጋን ጨምሮ በሦስት አካባቢዎች ሁሉ አንድ አለቅ ፍተሻ ጣቢያዎችን ለመገንባት የተስማማች ሲሆን በተጨማሪም ማላዊ እና ዚምቧቤን የሚያገለግል ደረቅ ወደብ በቴቴ ግዛት ለመገንባት አቅዳለች።
▪ የቀጣናውን የንግድ ትስስር ይበልጥ ለማስፋፋት የናካላ ኮሪደርን ከዚምባብዌ ጋር ለማገናኘት የታለሙ ዕቅዶች በመተግበር ላይ ናቸው።
"አንድ ሀገር እንዲያድግ በዓለም አቀፍ ንግድ ተሳትፎ ላይ ቅልጥፍና ሊኖር እንደሚገባ እናምናለን" ሲሉ የዚምባብዌ የመርከብ እና አስተላላፊ ወኪሎች ማኅበር ዋና ሥራ አስፈጻሚ ዋሽንግተን ዱቤ ተናግረዋል። "ከእህት ሀገራት ጋር ያለንን የንግድ ልውውጥ ማበረታታት እና ዘላቂ መፍትሄዎችን መፈለግ ይኖርብናል" ሲሉም አክለዋል።
ስፑትኒክ ኢትዮጵያ | መተግበሪያ | X
