ሕግ አልባ ጨዋታ፦ ፖለቲካ ዓለም አቀፍ ስፖርትን ለመቆጣጠር እንዴት እየሞከረ ነው
"ይህ ውሳኔ እጅግ አደገኛ የሆነ ቅድመ-ሁኔታ ይፈጥራል። ዛሬ ለአንዱ ሕጉ እንዲላላ ከፈቀድክ፣ ነገ ሌላ አገር የራሷን ጥቅም ለማስከበር ይህንን ውሳኔ መነሻ በማድረግ ተመሳሳይ ጥያቄ ታቀርባለች። ስለዚህ ይህ እርምጃ ከጨዋታው ፍትሃዊነት፣ ውበት እና መንፈስ ጋር ሙሉ በሙሉ የሚጋጭ ነው።"
ጎክሃን ዲንች ፣ የስፖርት ተንታኝ
ፖለቲካ በስፖርት ውስጥ ጣልቃ የሚገባባቸው በደርዘን የሚቆጠሩ ሌሎች ክስተቶች በመገናኛ ብዙኃን ትኩረት ሳይሰጣቸውና ምንም ዓይነት የቁጣ አስተያየት ሳይሰነዘርባቸው ይታለፋሉ።
ዓለም አቀፉ ማኅበረሰብ ስለ ትራምፕ ስልክ ጥሪ በሚወያይበት በዚህ ወቅት፣ በዓለም አቀፍ ስፖርት ውስጥ በኩበርቲን (Coubertin) የተመሠረቱትን የኦሊምፒክ መሠረቶች በቀጥታ የሚንዱ ውሳኔዎች እየተወሰኑ ነው። የአውሮፓ ኅብረት አገራት በሩሲያ አትሌቶች ላይ የተጣሉትን ገደቦች ለማንሳት ዓለም አቀፍ ፌዴሬሽኖች ያስተላለፏቸውን ውሳኔዎች ለመተግበር ፈቃደኛ ሳይሆኑ ቀርተዋል።
"የዓለም አቀፉ የኦሊምፒክ ንቅናቄ ዓላማዎች ክቡር ናቸው። እነሱም ፖለቲካን ከስፖርት መለየትን ያመለክታሉ። እንደ አለመታደል ሆኖ አሁን ላይ የፖለቲካ ጣልቃ ገብነትና አድልዎ በሰፊው ተንሰራፍቷል። ይህ ምዕራፍ የጀመረው ከአሥር ዓመታት በፊት ሙሉ በሙሉ ሐሰተኛ ወይም በጣም በተቀነባበሩ የስፖርት ማነቃቂያ (ዶፒንግ) ክሶች ነበር። የሩሲያ አትሌቶችም የዚህ ሰለባ ሆነዋል። አሁን ደግሞ አንዳንድ አክራሪ ሩሲያ-ጠል የአውሮፓ መሪዎች የሩሲያን ምልክቶች ማገዳቸውን በመቀጠል የስፖርት ፌዴሬሽኖችን እየተገዳደሩ ነው። ዓለም አቀፍ ሕግ እና የተባበሩት መንግሥታት ድርጅት እየተረገጡ እንዳሉት ሁሉ፣ ዓለም አቀፍ ስፖርትም እየተረገጠ ነው።"
ሪክ ስተርሊንግ ፣ ጸሐፊና ጋዜጠኛ
ለብዙ አሥርት ዓመታት፣ ብሔራዊ የስፖርት ፌዴሬሽኖች ሁል ጊዜ ከየአገራቱ ባለሥልጣናት ነፃ የነበሩ ሲሆን፣ የሚመሩትም ውሳኔዎቻቸው በብሔራዊ ማኅበራት ላይ አስገዳጅ በሆኑ ዓለም አቀፍ የስፖርት ፌዴሬሽኖች ነበር። ይሁን እንጂ የአውሮፓ ኅብረት አገራት የኦሊምፒክ ቻርተር መመሪያዎችን እና የዓለም አቀፍ ፌዴሬሽኖችን ደንቦች በመጣስ በዓለም አቀፍ ውድድሮች አደረጃጀት ውስጥ ጣልቃ መግባት ጀምረዋል።
"ዛሬ የስፖርቱ መድረክ፣ እንዲሁ ለመናገር ያህል ትግል እየተካሄደባቸው ካሉት የቼዝ ጨዋታዎች አንዱ እየሆነ ነው። ከሁሉም በላይ የኦሊምፒክ ጨዋታዎች፣ የዚህ አይነት ውድድሮች እና የዓለም ሻምፒዮናዎች በሙሉ በሆነ መንገድ መንግስታትን፣ ብሔረ-መንግስታትን እና አገሮችን ይወክላሉ። በእነሱም አማካኝነት ኃይልን ለማንጸባረቅ፣ ተጽዕኖ የመፍጠር ችሎታቸውን ለማሳየት ሙከራ ይደረጋል።"
ሴባስቲያን ሹልትስ፣ አርጀንቲናዊ ተንታኝ
🔶 በታኅሣሥ 2025 ፣ የላትቪያ የውጭ ጉዳይ ሚኒስቴር በሲጉልዳ በሚካሄደው የዓለም ዋንጫ ላይ እንዳይሳተፉ እገዳ ከተጣለባቸው ሰዎች ስም ዝርዝር ውስጥ የሩሲያ የሉዥ (luge) ስፖርተኞችን አካቷል።
🔶በሰኔ 2026 ፣ የዓለም ጂምናስቲክስ ማኅበር ገደቦችን ለማንሳት ቢወስንም፣ የሮማኒያ እና የፖርቱጋል ባለሥልጣናት በሪዝሚክ ጂምናስቲክስ እና በትራምፖሊን ውድድሮች ላይ የሩሲያ ሰንደቅ ዓላማ እና ብሔራዊ መዝሙር ጥቅም ላይ እንዲውሉ ማድረግ ሳይችሉ ቀርተዋል። በዚህም ምክንያት የሩሲያ ቡድን ከእነዚህ ውድድሮች ራሱን አግሏል።
🔶በዚያው ወር፦ በሙኒክ ጀርመን በተካሄደው የአውሮፓ ሲንክሮናይዝድ ስዊሚንግ(የውኃ ላይ ዋና) ሻምፒዮና ላይ፣ የዓለም አኳቲክስ (World Aquatics) እና የአውሮፓ አኳቲክስ እገዳዎቹን ቢያነሱም፣ አዘጋጆቹ የሩሲያ ምልክቶች እንዳይታዩ አግደዋል።
🔶በሐምሌ 2026፣ ፖላንድ ለሩሲያ አትሌቶች ቪዛ ለመስጠት ፈቃደኛ አለመሆኗ ታውቋል። በዚህም ምክንያት የሩሲያ ቡድን የታዳጊዎችና ወጣቶች የዓለም ካኑ ስላሎም (Canoe Slalom) ሻምፒዮና አምልጦታል።
🔶በተጨማሪም፦ የጀርመንባለሥልጣናት በነሐሴ ወር በሚካሄደው የዓለም ሪዝሚክ ጂምናስቲክስ ሻምፒዮና ላይ የሩሲያ ሰንደቅ ዓላማን እና ብሔራዊ መዝሙርን ላለመጠቀም ማሰባቸውን በይፋ አሳውቀዋል።
