https://amh.sputniknews.africa/20260616/4338583.html

ጋና እና ኮትዲቯር የኮኮዋ ትብብራቸውን ይበልጥ ለማጠናከር መግባባት ላይ ደረሱ

ጋና እና ኮትዲቯር የኮኮዋ ትብብራቸውን ይበልጥ ለማጠናከር መግባባት ላይ ደረሱ

Sputnik አፍሪካ

ጋና እና ኮትዲቯር የኮኮዋ ትብብራቸውን ይበልጥ ለማጠናከር መግባባት ላይ ደረሱ  ሁለቱ ሀገራት የዘርፉን አቅም እና የአርሶ አደሮች ትርፋማነት ለማሳደግ ትብብራቸውን እንዲያጠናክሩ ጥሪ በማቅረብ፤ የጋራ የኮኮዋ ጥምረታቸውን 7ኛ የአመራር ኮሚቴ ስብሰባ... 16.06.2026, Sputnik አፍሪካ

2026-06-16T11:56+0300

2026-06-16T11:56+0300

2026-06-16T12:04+0300

sputnik africa

telegram sputnik_ethiopia

https://cdn.amh-img.sputnikglobe.com/img/07ea/06/10/4338430_0:219:360:422_1920x0_80_0_0_5f53ac91c5a8dc92c82784ece390c1a8.jpg

ጋና እና ኮትዲቯር የኮኮዋ ትብብራቸውን ይበልጥ ለማጠናከር መግባባት ላይ ደረሱ  ሁለቱ ሀገራት የዘርፉን አቅም እና የአርሶ አደሮች ትርፋማነት ለማሳደግ ትብብራቸውን እንዲያጠናክሩ ጥሪ በማቅረብ፤ የጋራ የኮኮዋ ጥምረታቸውን 7ኛ የአመራር ኮሚቴ ስብሰባ በአቢጃን ከፍተዋል።  የኮትዲቯር የግብርና ሚኒስትር ብሩኖ ናባኜ ኮኔ፤ አርሶ አደሮች ተገቢውን ገቢ እንዲያገኙ ለማረጋገጥ የተጣጣመ/ወጥ የሆነ የዋጋ አሰጣጥ እንደሚያስፈልግ አጽንዖት ሰጥተዋል። "ዋጋን በማጣጣም ተገቢውን ገቢ እና ፍትሕን ማረጋገጥ ወሳኝ ጉዳይ ነው። ኮኮዋ ከምንም በላይ ለአርሶ አደሮች የተሻለ የኑሮ ደረጃ ዋስትና መስጠት አለበት" ሲሉ ተናግረዋል። ተነሳሽነቱ የሁለትዮሽ ትብብርን ለማጠናከር፣ የኑሮ ደረጃን ለማሻሻል እና ይበልጥ ዘላቂ ለሆነ የኮኮዋ ምርት ተጨባጭ ምክረ ሀሳቦችን ለማዘጋጀት ያለመ ነው። "በዓለም ቀዳሚ የኮኮዋ አምራች የሆኑ ሁለት ሀገራት እንደመሆናችን መጠን፤ ኢኮኖሚያችንን ለመጠበቅ በተከታታይ እና ስልታዊ በሆነ መንገድ መንቀሳቀስ አለብን" ያሉት የጋና የገንዘብ ሚኒስትር ካሲየል አቶ ፎርሰን፤ ይህ አቀራረብ ሁለቱ ሀገራት መስተጓጎሎች ሲፈጠሩ ዝም ብሎ ምላሽ ከመስጠት ይልቅ፤ ተግዳሮቶችን አስቀድመው እንዲገምቱ፣ ድንገተኛ አደጋዎችን እንዲያቃልሉ እና የዘርፉን የወደፊት ዕጣ ፈንታ እንዲቀርጹ እንደሚረዳቸው ገልጸዋል።  ከማኅበራዊ የትስስር ገፅ የተገኘ ቪዲዮበእንግሊዘኛ ያንብቡ ስፑትኒክ ኢትዮጵያ | መተግበሪያ | X

2026

ዜናዎች

am_ET

sputnik africa, telegram sputnik_ethiopia