ፈረንሳይ ባርነት ከቀረ 178 ዓመታት በኋላ ሕጓን ልትሽር ነው
ፈረንሳይ ባርነት ከቀረ 178 ዓመታት በኋላ ሕጓን ልትሽር ነው
▪የፈረንሳይ የፓርላማ አባላት እ.አ.አ በ1685 የወጣው የቅኝ ግዛቶች የባርነት ሕግ "ኮድ ኑዋር" እንዲሻር ሐሙስ ዕለት ድምጽ ሰጥተዋል።
▪ሁሉም 254 የፓርላማ አባላት ያለምንም ተቃውሞ ወይም ድምፅ ተዓቅቦ ረቂቅ ሕጉን ሙሉ በሙሉ ደግፈዋል።
▪ውሳኔው የባሪያ ንግድና ባርነትን በሰብዓዊነት ላይ የተፈጸመ ወንጀል አድርጎ የፈረጀው "የታውቢራ ሕግ" ከፀደቀ ከ25 ዓመታት በኋላ የመጣ ነው።
▪አዲሱ ሕግ "ኮድ ኑዋር" ን ብቻ ሳይሆን በ17ኛው እና 18ኛው ክፍለ ዘመን በተለያዩ የፈረንሳይ ቅኝ ግዛቶች ውስጥ የባርነት ሥርዓትን ሲመሩ የነበሩ የንጉሣዊ አዋጆችን ጭምር የሚሽር ነው። እነዚህ ሕጎች ምንም እንኳን ሕጋዊ ተፈጻሚነታቸው ከቆመ ረጅም ዘመን ቢቆጠርም እ.አ.አ በ1848 ባርነት ከተሻረበት ጊዜ ጀምሮ እስካሁን ድረስ በይፋ አልተሰረዙም ነበር።
▪የ "ኮድ ኑዋር" 60 አንቀጾች የአንድን ባሪያ ሙሉ ሕይወት የሚወስኑ ነበሩ። በተለይም አንቀጽ 44 ባሪያን እንደ "ተንቀሳቃሽ ንብረት" የሚበይን ሲሆን ሌሎች ድንጋጌዎች ደግሞ ለማምለጥ በሚሞክሩ ባሪያዎች ላይ የሚጣሉ አሰቃቂ ቅጣቶችን የሚጥሉ ነበሩ።
▪ረቂቅ ሕጉ መንግሥት ስለ ቅኝ ግዛት ሕግ፣ ስለ ረጅም ጊዜ መዘዞቹ እና በትምህርት ሥርዓት ውስጥ ለባርነት ታሪክ ስለሚሰጠው ቦታ የሚያጠና ዝርዝር ሪፖርት እንዲያቀርብም ይጠይቃል።
ረቂቅ ሕጉ ቀጥሎ በሴኔቱ መታየት ይኖርበታል።
ስፑትኒክ ኢትዮጵያ | መተግበሪያ | X
