ኬንያ የነዳጅ ዋጋ ንረትን ተከትሎ የተቀሰቀሰውን ውጥረት ለማርገብ በናፍጣ ዋጋ ላይ ቅናሽ አደረገች
13:58 22.05.2026 (የተሻሻለ: 14:04 22.05.2026)
© telegram sputnik_ethiopia
ሰብስክራይብ
ኬንያ የነዳጅ ዋጋ ንረትን ተከትሎ የተቀሰቀሰውን ውጥረት ለማርገብ በናፍጣ ዋጋ ላይ ቅናሽ አደረገች
ከከፍተኛ የነዳጅ ዋጋ መጨመር ጋር በተያያዘ የተቀሰቀሰውንና ለሰው ሕይወት መጥፋት ምክንያት የሆነውን ተቃውሞ እንዲሁም ለሁለት ቀናት የተደረገውን የሕዝብ ትራንስፖርት የሥራ ማቆም አድማ ተከትሎ በሸማቾች ላይ የሚደርሰውን ጫና ለመቀነስ መንግሥት የናፍጣ ዋጋን እንደሚቀንስ ፕሬዚዳንት ዊሊያም ሩቶ በዛሬው ዕለት አስታውቀዋል።
በሰኔ-ሐምሌ የዋጋ ክለሳ ዑደት የማደያ ዋጋን ለማረጋጋት የናፍጣ ዋጋ በ0.07 ዶላር እንደሚቀንስ የገለጹት ሩቶ፤ መንግሥት ከሚያዚያ እስከ ሰኔ ባለው ጊዜ ውስጥ ለነዳጅ ዋጋ ድጎማ ቢያንስ 216.6 ሚሊዮን ዶላር ወጪ ማድረጉንም አክለዋል።
ውሳኔው ዓለም አቀፉን የነዳጅ አቅርቦት እጥረት እና ከመካከለኛው ምስራቅ ግጭት ጋር ተያያዞ በተፈጠረው የኃይል አቅርቦት ወጪ መናር ምክንያት የነዳጅ ዋጋ እስከ 23.5 በመቶ የሚደርስ ከፍተኛ ጭማሪ ማሳየቱን ተከትሎ የመጣ ነው።
ስፑትኒክ ኢትዮጵያ | መተግበሪያ | X
