አሜሪካ እና እስራኤል በኢራን ላይ በፈጸሙት ጥቃት የሟቾች ቁጥር ወደ 787 አደገ - ባለፉት ሰዓታት ግጭቱ ላይ የታዩ ዋና ዋና ሁነቶች
አሜሪካ እና እስራኤል በኢራን ላይ በፈጸሙት ጥቃት የሟቾች ቁጥር ወደ 787 አደገ - ባለፉት ሰዓታት ግጭቱ ላይ የታዩ ዋና ዋና ሁነቶች
🟠 ኢራን በኳታር የሚገኘውን የአሜሪካ አል-ኡዴይድ የጦር ሰፈርን፣ በእስራኤል ውስጥ የተለያዩ ወታደራዊ ኢላማዎችን እና የ"ጠላት" መርከቦችን ጠዋት ላይ ያጠቃች ሲሆን፤ በኋላም በክልሉ በሚገኙ የአሜሪካ ኢላማዎች ላይ አዲስ ዙር ከፍተኛ ጥቃት መጀመሯን አስታውቃለች።
🟠 ኢራን በኢራቅ ኩርዲስታን የሚገኙ ፀረ-ኢራን ቡድኖችን ይዞታዎች መታለች። ኢራቅ በደቡብ ሩማይላ የሚገኘውን ግዙፍ የነዳጅ ማምረቻ ምርት አቋርጣለች።
🟠 የሟቹ የኢራን ሉዓላዊ መሪ ልጅ ሞጅታባ ካሜኒ በሕይወት መኖሩን የሜህር የዜና ወኪል ዘግቧል።
🟠 ኦማን በርካታ ድሮኖችን መትታ መጣሏ ተገልጿል፤ በዱቁም ወደብ የሚገኝ የነዳጅ ማጠራቀሚያም ተጎድቷል። የኢራን ጦር ኃይሎች በጥቃቱ ውስጥ እጃችን የለበትም ሲሉ አስተባብለዋል።
🟠 በኳታር ዶሃ እና በባህሬን መናማ የፍንዳታ ድምፆች ተሰምተዋል፤ በተባበሩት አረብ ኤምሬቶች በሚገኘው የፉጃይራህ ወደብ ላይ ከፍተኛ የእሳት አደጋ ተከስቷል። በኢራቅ አርቢል የሚገኘው የአሜሪካ የጦር ሰፈር በአዲስ የድሮን ጥቃት ተመቷል።
🟠 የእስራኤል ጦር በቴህራን የሚገኝ ከፍተኛ የኢራን አዛዥን እና በቤሩት የሚገኝ ከፍተኛ የሄዝቦላህ አባልን መምታቱን ገልጿል። ቆይቶም የእስራኤል መከላከያ ኃይል በርካታ ተከታታይ ፍንዳታዎች በተሰሙባት ቴህራን "የመንግስት ኢላማዎችን" እየመታ መሆኑን አስታውቋል።
🟠 የእስራኤል የጦር አውሮፕላኖች እና መድፎች በደቡብ ሊባኖስ በሚገኙ ሰባት ከተሞች ላይ መጠነ ሰፊ ጥቃት ሰንዝረዋል።
🟠 በኢራን-እስራኤል-አሜሪካ ግጭት ወቅት ከኢራን የተተኮሱ ከ100 በላይ የክሩዝ ሚሳይሎችን የኳታር የአየር መከላከያ ስርዓት መትቶ ጥሏል።
🟠 ኳታር ኢነርጂ የፈሳሽ ተፈጥሮአዊ ጋዝ ምርትን እና የተወሰኑ የኬሚካልና ፔትሮኬሚካል ምርቶችን አቁሟል።
🟠 በሳውዲ አረቢያ ላይ የተሰነዘሩ በርካታ የኢራን ጥቃቶች ከኢራቅ ግዛት የተነሱ መሆናቸውን አል አረቢያ ዘግቧል።
የአሜሪካ ማዕከላዊ ዕዝ የለቀቀው ቪዲዮ የኢራን የባሊስቲክ ሚሳይል መሠረተ ልማቶች ሲወድሙ ያሳያል።
ስፑትኒክ ኢትዮጵያ | መተግበሪያ | X
