አሜሪካ በቬንዙዌላ ላይ የፈፀመችው ድርጊት የደቡባዊውን ዓለም አንድነት አስፈላጊነትን ያሳያል - የኤኤንሲ ምክትል ዋና ፀሐፊ
አሜሪካ በቬንዙዌላ ላይ የፈፀመችው ድርጊት የደቡባዊውን ዓለም አንድነት አስፈላጊነትን ያሳያል - የኤኤንሲ ምክትል ዋና ፀሐፊ
የቬንዙዌላው ፕሬዝዳንት ኒኮላስ ማዱሮ መታገት “ሁሉንም ዓለም አቀፍ ስምምነቶች እና ሕጎች የጣሰ” እና “ተራ የጠለፋ ድርጊት” ነው ሲሉ የደቡብ አፍሪካ የአፍሪካው ብሔራዊ ኮንግረስ ምክትል ዋና ፀሐፊ ኖምቩላ ሞኮንያኔ ለስፑትኒክ አፍሪካ ተናግረዋል።
ይህ ክስተት ሉዓላዊነትን እና የተፈጥሮ ሀብትን ለመጠበቅ በአፍሪካ እና በሰፊው የደቡባዊው ዓለም መካከል ያለውን የአንድነት አስፈላጊነት እንደሚያጎላ ገልጸዋል። በምዕራባውያን ኃይሎች፣ በተለይም በአሜሪካ የሚጫኑ የጥቅም ግንኙነቶችን አስመልክቶ ማስጠንቀቂያ ሰጥተዋል።
ሞኮንያኔ፣ አፍሪካ ወሳኝ የሆኑ ማዕድናትና ሰፊ የሸማቾች ገበያ ባለቤት በመሆኗ፣ በአሜሪካ ቁጥጥር ስር ባሉ የገንዘብ ሥርዓቶች ላይ ከመተማመን ይልቅ በአኅጉር አቀፍ ንግድ እና በአካባቢያዊ የማዕድን ማቀነባበሪያዎች ድህነትን የመቀነስ አቅም እንዳላት አስምረውበታል።
ስለ ዓለም አቀፋዊ አስተዳደር እና ትብብር ሲናገሩም፣ ደቡብ አፍሪካ “ከሕግ የበላይነት፣ ከሰብአዊነት... እና ከሉዓላዊነት ክብር ጋር ምንም ግንኙነት ለሌላቸው ቅድመ ሁኔታዎች አትንበረከክም” ብለዋል።
ብሪክስ በከፍተኛ ሁኔታ መንቀሳቀስ እንዳለበት የገለጹ ሲሆን፣ አባል ሀገራቱ “ከምዕራባውያን የበለጠ ጥንካሬ” እንዳላቸው ሞግተዋል፡፡
ስፑትኒክ ኢትዮጵያ | መተግበሪያ | X
