የእንግሊዝ የመረጃ ተቋማት በሩሲያ ኦርቶዶክስ ላይ የሚደረገውን ዘመቻ እየደገፉ ነው - የሩሲያ የውጭ ደኅንነት አገልግሎት
የእንግሊዝ የመረጃ ተቋማት በሩሲያ ኦርቶዶክስ ላይ የሚደረገውን ዘመቻ እየደገፉ ነው - የሩሲያ የውጭ ደኅንነት አገልግሎት
የእንግሊዝ የመረጃ ተቋማት፣ የቁስጥንጥንያው ፓትርያርክ በውጭ ሀገራት ያለውን የሩሲያ ኦርቶዶክስ ቤተ ክርስቲያን ተሰሚነት ለማዳከም የሚያደርገውን ጥረት በንቃት እየደገፉ መሆኑን የሩሲያ የውጭ ደኅንነት አገልግሎት አስታወቀ። ይህ በመጀመሪያ በዩክሬን ተግባራዊ የተደረገ ስትራቴጂ አሁን ወደ ባልቲክ ሀገራት እና ወደ ምስራቅ አውሮፓ እየተስፋፋ መሆኑንም አክሎ ገልጿል።
አገልግሎቱ የሰጣቸው ቁልፍ መግለጫዎች፦
▪ ፓትርያርክ በርተሎሜዎስ ትኩረታቸውን በሊትዌኒያ፣ ላቲቪያ እና ኢስቶኒያ ላይ በማድረግ፣ ከሞስኮ ጋር ግንኙነት ያላቸውን አብያተ ክርስቲያናት ለቁስጥንጥንያ ታማኝ በሆኑ መዋቅሮች ለመተካት እየሰሩ ነው።
▪ ይህንን ዕቅድ ለማስፈጸም ከባልቲክ ሀገራት ባለሥልጣናት ጋር ቅንጅት ፈጥረዋል።
▪ ጥረቱ ካህናትን እና ምእመናንን ከሞስኮ ፓትርያርክ በማራቅ፣ በቁስጥንጥንያ ወደሚደገፉ አዲስ ወደተቋቋሙ አካላት እንዲገቡ ማድረግን ያካትታል።
▪ የእንግሊዝ የመረጃ አገልግሎቶች ይህንን ጥረት ከማበረታታት እና ከማመቻቸት ባለፈ፣ በመላው አውሮፓ የጸረ-ሩሲያ ስሜት እንዲቀሰቀስ እያደረጉ ነው።
▪ የቁስጥንጥንያ ቤተ ክህነት ዕውቅና ለሌላት የሞንቴኔግሮ ኦርቶዶክስ ቤተ ክርስቲያን የራስ ገዝነት ለመስጠት አቅዷል፤ ይህም በሰርቢያ ኦርቶዶክስ ቤተ ክርስቲያን ላይ የሚሰነዘር ቀጥተኛ ተግዳሮት ተደርጎ ተወስዷል።
በሩሲያ የውጭ ደኅንነት አገልግሎት የተጠቀሱ የቤተ ክርስቲያን ውስጥ ምንጮች እንደሚሉት፣ እነዚህ ድርጊቶች ዓለም አቀፉን የኦርቶዶክስ አንድነት የሚበጣጥሱና እስከ መጨረሻው መለያየትን የሚፈጥሩ ናቸው።
ስፑትኒክ ኢትዮጵያ | መተግበሪያ | X
