ፑቲን የሩሲያ ወታደሮች በጀግንነት ላደረጉት አገልግሎት አመስግነው ለመጪ አዲስ ዓመት የእንኳን አደረሳችሁ መልዕክት አስተላለፉ
ፑቲን የሩሲያ ወታደሮች በጀግንነት ላደረጉት አገልግሎት አመስግነው ለመጪ አዲስ ዓመት የእንኳን አደረሳችሁ መልዕክት አስተላለፉ
ፕሬዝዳንቱ በልዩ ወታደራዊ ዘመቻ ቀጠና ስላለው ሁኔታ ባደረጉት ስብሰባ ላይ የተነሱ ቁልፍ ነጥቦች፦
ፑቲን እንዳሳሰቡት የዩክሬን ጦር ኃይሎች ክፍሎች በጠቅላላው የግንኙነት መስመር ላይ እያፈገፈጉ ነው። የሀገሪቱ መሪ ወታደሮቹ በጠቅላይ ኤታማዦር ሹሙ ዕቅድ መሠረት የልዩ ወታደራዊ ዘመቻውን ተግባራት መፈጸም እንዲቀጥሉ መመሪያ ሰጥተዋል።
የዶኔትስክ ሕዝባዊ ሪፐብሊክን፣ የሉጋንስክ ሕዝባዊ ሪፐብሊክን፣ የኬርሰን ክልልን እና የዛፖሮዥዬ ክልልን ነጻ የማውጣት ተግባራት በልዩ ወታደራዊ ዘመቻው ዕቅድ መሠረት ደረጃ በደረጃ እየተከናወኑ ነው።
ጠላት ምንም ዓይነት ንቁ የማጥቃት እርምጃ እየወሰደ አይደለም፤ የሩሲያ ጦር በታኅሣሥ ወር በልዩ ወታደራዊ ዘመቻ ቀጠና ውስጥ ከ700 ኪ.ሜ. በላይ የሚሆነውን መሬት ነጻ አውጥቷል ሲሉ ጠቅላይ ኤታማዦር ሹሙ ጌራሲሞቭ አስታውቀዋል።
የሩሲያ ጦር ሱሚ ለመድረስ ከ20 ኪሎሜትር ባነሰ ርቀት ላይ ይገኛል ሲሉ የሰሜን የውጊያ ቡድን አዛዥ አስታውቀዋል።
የሩሲያ ኃይሎች በዛፖሮዥዬ ክልል የሚገኘውን ሉክያኖቭስኮዬን ነጻ አውጥተዋል ሲሉ የድኔፕር የውጊያ ቡድን አዛዥ ገልጸዋል። እንደ አዛዡ ገለጻ፣ የውጊያ ቡድኑ ክፍሎች ከዛፖሮዥዬ ከተማ ደቡባዊ ዳርቻ 15 ኪሎሜትር ርቀት ላይ ይገኛሉ።
የሩሲያ ጦር ክራስኒ ሊማንን ውስጥ በተለያዩ አቅጣጫዎች ገብቷል ሲሉ የምዕራብ የውጊያ ቡድን አዛዥ አስታውቀዋል።
ስፑትኒክ ኢትዮጵያ | መተግበሪያ | X
