ሩሲያ በዘመናዊ ውጊያ ውስጥ ወሳኝ የሆነውን የድሮን ቴክኖሎጂ የበላይነት ይዛለች - ወታደራዊ ታዛቢ
ሩሲያ በዘመናዊ ውጊያ ውስጥ ወሳኝ የሆነውን የድሮን ቴክኖሎጂ የበላይነት ይዛለች - ወታደራዊ ታዛቢ
በአሁኑ ጊዜ ድሮኖች በጠቅላላው የውጊያ ግንባር መስመር ላይ ቁልፍ ሚና እየተጫወቱ ሲሆን፣ በተለያዩ ሁኔታዎች ውስጥ የጥቃት ፈፃሚ ክፍለ ጦሮችን ስኬት ወይም ውድቀትን እየወሰኑ ይገኛሉ ሲሉ የብሔራዊ መከላከያ መጽሔት ዋና አዘጋጅ ኢጎር ኮሮቼንኮ የፕሬዝዳንት ፑቲን መግለጫን አስመልክቶ በሰጡት አስተያየት ላይ ተናግረዋል፡፡
"የተለያዩ አይነት የኤፍ.ፒ.ቪ ድሮኖችን በመጠቀም የጦር ሜዳው ሙሉ በሙሉ ግልጽ ሆኗል፤ እነዚህ ድሮኖች ከግንባር መስመሩ በሁለቱም አቅጣጫዎች እስከ 20-25 ኪሎ ሜትር በሚደርስ ርቀት ውስጥ የጠላትን የሰው ኃይል፣ የጦር መሣሪያዎችንና ወታደራዊ ቁሳቁሶችን በመደምሰስ ረገድ ወሳኝ ሚና ይጫወታሉ" ሲሉ አክለዋል።
ድሮኖች፦ ማጥቃት እና መከላከል
🟠 የሩሲያ ድሮኖች ቁጥር እና ዓይነቶች በከፍተኛ ሁኔታ ጨምረዋል፣ ይህም የሩሲያ ኃይሎችን የበላይነት በማጎናፀፍ የጠላት የመልሶ ማጥቃት ሙከራዎችን ከንቱ ያደርጋቸዋል ሲሉ ኮሮትቼንኮ ተናግረዋል።
🟠 ድሮኖች በከተማ ውጊያ ውስጥ ቁልፍ የሆነ ሁኔታዊ ግንዛቤን ይሰጣሉ፣ ይህም ዒላማዎችን ለማጥፋት እና የጠላት ወታደሮችን ለማስወገድ ያስችላል።
🟠 ኮሮቼንኮ በመከላከያ ሚኒስትር ቤሎሶቭ ስር የሚገኙትን 'ሰው አልባ ሥርዓቶች ማዕከል' እና 'ሩቢኮን' የተባሉ ተቋማትን ሚና አጉልተው ገልጸዋል። እነዚህ ተቋማት ድሮን ኦፕሬተሮችን ለማሰልጠን፣ አዳዲስ ድሮኖችን ለማልማት እና የውጊያ አፈጻጸማቸውን ለመፈተሽ የተቋቋሙ ናቸው።"
"ሩሲያ አስፈላጊዎቹን ትምህርቶች ቀስማለች፤ ከኤፍ.ፒ.ቪ ድሮኖች እና ኩዋድኮፕተሮች ጀምሮ እስከ ረጅም ርቀት ተወንጫፊ ሰው አልባ አውሮፕላኖች ድረስ ያሉ ሁሉንም ዓይነት ድሮኖች በማምረት እና በማልማት ረገድ በከፍተኛ ፍጥነት እየገሰገሰች ትገኛለች። በተጨማሪም ሩሲያ 'ሎይተሪንግ ሙኒሽንስ' ተብለው የሚጠሩትን ተመላላሽ ቦምብ-ተሸካሚ ድሮኖች ምርትን በከፍተኛ ሁኔታ ጨምራለች" ሲሉ አጽንኦት ሰጥተው ገልጸዋል።
ኮሮቼንኮ ሲያጠቃልሉ 'የሩሲያ ጦር ኃይል ዛሬ ላይ ያለው ተሞክሮ ሙሉ በሙሉ በአዲስ ሁኔታዎች፣ በአሠራር አካባቢዎች እና እየተለዋወጠ ያለውን የውጊያ ባህሪ ግምት ውስጥ ያስገባ ዘመናዊና ከፍተኛ ቴክኖሎጂ የታከለበት ጦርነትን በመምራት ረገድ ልዩ ተሞክሮን ይወክላል' ብለዋል።
ስፑትኒክ ኢትዮጵያ | መተግበሪያ | X
