የደቡብ አፍሪካ የፋይናንስ ሚኒስትር ዶናልድ ትራምፕ በነጭ ደቡብ አፍሪካውያን ላይ ተፈፅሟል ያሉትን የዘር ማጥፋት ውንጀላ ውድቅ አደረጉ
የደቡብ አፍሪካ የፋይናንስ ሚኒስትር ዶናልድ ትራምፕ በነጭ ደቡብ አፍሪካውያን ላይ ተፈፅሟል ያሉትን የዘር ማጥፋት ውንጀላ ውድቅ አደረጉ
የገንዘብ ሚኒስትሩ ኢኖክ ጎዶንግዋና ይህንን ንግግር ያደረጉት፣ የቡድን 20 ስብሰባ በተቃረበበት ወቅት ነው።
ሚኒስትሩ እነዚህ ውንጀላዎች የደቡብ አፍሪካ ሁለተኛ ትልቋ የንግድ አጋር ከሆነችው ከአሜሪካ ጋር የውጥረት ምንጭ መሆናቸውን ገልጸዋል።
"ባልተረጋጋ የዓለም ሁኔታ ውስጥ፣ ደቡብ አፍሪካ በነጭ ማኅበረሰቧ ላይ የዘር ማጥፋት ወንጀል ፈጽማለች ተብላ በሐሰት ተከሰሰች፤ በእነዚህ ውሸቶች ላይ በተመሠረተ ቅጣት ተቀጣች" ሲሉ ጎዶንግዋና በኬፕታውን ለሕግ አውጪዎች ተናግረዋል።
ትራምፕ በጆሃንስበርግ ሊደረግ ከታቀደው የቡድን 20 ጉባኤ ቀደም ብሎ የሰጡትን አስተያየት፣ አሜሪካ በጉባኤው እንደማትሳተፍ ካስታወቁ በኋላም ደግመውታል። አፍሪካነሮች በደቡብ አፍሪካ "እየተገደሉ ነው" የሚሉትን ውንጀላዎች ደግመው መናገራቸው፣ በምክትል ፕሬዝዳንቱ ጄዲ ቫንስ የሚመራው የአሜሪካ ልዑክ ቡድን በስብሰባው እንዳይካፈል አስገድዷል።
ጎዶንግዋና በቅርቡ የትራምፕን የዘር ማጥፋት ውንጀላ በይፋ ውድቅ ያደረጉትን የአፍሪካነሮችን ቡድን "አርበኞች" ሲሉ አቋማቸውን አሞካሽተዋል።
ከኅዳር 13 እስከ 14 ሊካሄድ እቅድ የተያዘለት የቡድን 20 ጉባኤ በደቡብ አፍሪካ የሚስተናገድ ሲሆን፣ አባላቱም የጉባኤውን መግለጫ በተመለከተ መግባባት ላይ ለመድረስ እየተወያዩ ነው።
የደቡብ አፍሪካ ባለሥልጣናት የአሜሪካ ልዑክ ቡድን መቅረትን፣ በመግለጫው ላይ ለመስማማት የሚያስችለውን ሂደት ሊያቀላጥፈው ይችላል ብለው ተስፋ ያደርጋሉ፤ ይህም ለአገሪቱ የቡድን 20 ፕሬዝዳንትነት ስኬት አድርገው ይመለከቱታል።
ስፑትኒክ ኢትዮጵያ | መተግበሪያ | X
