ደቡብ አፍሪካ በእስራኤል ላይ ያቀረበችው የዘር ማጥፋት ወንጀል ክስ ለዓለም አቀፍ ፍትሕ የሚደረገውን ከፍተኛ ግፊት ያሳያል - ባለሙያ
18:09 17.09.2025 (የተሻሻለ: 18:14 17.09.2025)
© telegram sputnik_ethiopia
/ ሰብስክራይብ
ደቡብ አፍሪካ በእስራኤል ላይ ያቀረበችው የዘር ማጥፋት ወንጀል ክስ ለዓለም አቀፍ ፍትሕ የሚደረገውን ከፍተኛ ግፊት ያሳያል - ባለሙያ
የተባበሩት መንግሥታት በጋዛ ሰርጥ እስራኤል ለወሰደችው እርምጃ የዘር ማጥፋት እንደሆነ ማወቁ ወደፊት ለሚፈጠሩ ግጭቶች ተጠያቂነት ወሳኝ አርአያ ሊሆን እንደሚችል የኬፕ ታውን ዩኒቨርሲቲ ባልደረባ ፕሮፌሰር ዝዌሌቱ ጆሎቤ ለስፑትኒክ አፍሪካ ተናግረዋል።
""በዚህ ረገድ ወዲያው የሚመጣው አዝማሚያ ጦርነቱ ማብቃት አለበት የሚለው ብቻ ሳይሆን፣ እኩል መዘዝ ሊኖር ይገባልም የሚለው ጭምር ነው።"
በተመሳሳይ ሕማም የደቡብ አፍሪካ እስራኤል በጋዛ የዘር ማጥፋት ወንጀል ፈፅማለች ስትል በዓለም አቀፉ የፍትሕ ፍርድ ቤት ያቀረበችው ክስ በራሱ ከአፓርታይድ ታሪክ ጋር በቀጥታ ይመሳሰላል ሲል ጆሎቤ ተናግረዋል።
""የአፓርታይድ ሥርዓት ካበቃ በኋላ በደቡብ አፍሪካ ያለው የውጭ ጉዳይ ፖሊሲ፣ በመጀመሪያ ለብዝኃ አጋርነት ቁርጠኛ መሆን አለባት የሚል አጠቃላይ መግባባት ላይ የደረሰ ሲሆን ሁለተኛ ደግሞ ለዓለም አቀፍ ሕግ ቁርጠኛ መሆን አለባት" የሚል ነው ሲሉ አፅንዖት ሰጥተዋል።
ፕሮፌሰር ጆሎቤ፣ ሌሎች የአፍሪካ ሀገራት ዓለም አቀፋዊ ሥርዓቶችን መቀበል ብቻ ሳይሆን በንቃት ቅርፅ ማስያዝ እንዳለባቸው አሳስበዋል። በአኅጉሪቱ ውስጥም ሆነ ከአኅጉሪቱ ባሻገር ፍትሕን ለማራመድ የፓን አፍሪካ ትብብር እና የሕግ ተሳትፎ ወሳኝ መሆኑን አመልክተዋል።
"የአፍሪካ ሀገራት እጃቸውን አጣጥፈው ተቀምጠው፣ ዓለም በሆነ መንገድ የሆነ ነገር ሊሰጣቸው እንደሆነ አድርጎ ማሰብ አይቻልም።በዓለም ላይ ነገሮች እንደዛ አይሰሩም፤ ለእሱ መታገል አለብህ፡፡" ሲሉ ሞግተዋል።
ስፑትኒክ ኢትዮጵያ | መተግበሪያ | X
