ቡርኪና ፋሶ በቢል ጌትስ ፋውንዴሽን የሚደገፈውን የፀረ-ወባ ፕሮጀክት በደህንነት ስጋት ምክንያት አቋረጠች
19:20 24.08.2025 (የተሻሻለ: 09:24 25.08.2025)
© telegram sputnik_ethiopia
/ ሰብስክራይብ
ቡርኪና ፋሶ በቢል ጌትስ ፋውንዴሽን የሚደገፈውን የፀረ-ወባ ፕሮጀክት በደህንነት ስጋት ምክንያት አቋረጠች
"ሁሉም ናሙናዎች ጥብቅ በሆነ መመሪያ መሠረት ይወገዳሉ" ሲል የከፍተኛ ትምህርት እና ምርምር ሚኒስቴር በመግለጫው አስታውቋል።
“ታርጌት ማላሪያ” የወባ በሽታን ማስተላለፍ የማይችሉ ትንኞችን ለማራባት የሚሠራ በኩባንያ የሚተዳደር የምርምር ማኅበር ነው። ለመጀመሪያ ጊዜ የዘረመል ለውጥ የተደረገባቸውን ትንኞች የለቀቀው በጎርጎሮሳውያኑ 2019 ነው፡፡ ከእገዳው ጥቂት ቀናት ቀደም ብሎም አሰራጭቶ ነበር፡፡
በቡርኪና ፋሶ የባዮቴክኖሎጂ እንቅስቃሴዎች ቁጥጥር ጥምረት የሚመሩ የሲቪል ማኅበረሰብ ቡድኖች፣ ይህንን ተነሳሽነት አደገኛ፣ ግልጽ ያልሆነ እና በጣም ጎጂ ነው ሲሉ ተቃውመውታል። በሰው ጤና እና በሥነ-ምኅዳሮች ላይ ሊተነበዩ የማይችሉ እና የማይቀለበሱ ተጽእኖዎች እንዳሉትም አስጠንቅቀዋል።
ተቺዎች፣ የዘረመል ለውጥ የተደረገባቸው ትንኞች ዝርያዎች መነሻ የአውሮፓ ቤተ ሙከራዎች መሆኑን በመጠቆምም፣ ፕሮጀክቱን የሳይንሳዊ የእጅ አዙር ቅኝ ግዛት ነው በማለት ይከስሳሉ፡፡
ስፑትኒክ ኢትዮጵያ | መተግበሪያ | X
