ከ45 በላይ የሀገራት መሪዎች በሁለተኛው የአፍሪካ የአየር ንብረት ጉባኤ ላይ እንደሚገኙ ይጠበቃል
13:31 20.07.2025 (የተሻሻለ: 13:34 20.07.2025)
© telegram sputnik_ethiopia
/ ሰብስክራይብ
ከ45 በላይ የሀገራት መሪዎች በሁለተኛው የአፍሪካ የአየር ንብረት ጉባኤ ላይ እንደሚገኙ ይጠበቃል
ኢትዮጵያ እና የአፍሪካ ኅብረት ኮሚሽን በወሳኝ ዓለም አቀፍ የአየር ንብረት ድርድሮች ላይ አፍሪካ ቅድሚያ የምተሰጣቸውን ጉዳዮች ወደፊት ያመጣል ያሉትን ጉባኤ ለማሳካት ጥረት እያደረጉ መሆኑን አስታውቀዋል፡፡
በሁለተኛው የአፍሪካ የአየር ንብረት ጉባኤ፦
ከ45 በላይ የሀገራት መሪዎች እንደሚገኙ፣
ከ45 በላይ ጉባኤ ተኮር ይፋዊ ሁነቶች፣
ከ100 በላይ የጎንዮሽ ሁነቶች፣
ከ20 በላይ ከአፍሪካ ኅብረት አባል ሀገራት፣ የተባበሩት መንግሥታት ኤጀንሲዎች፣ የልማት አጋሮች እና መንግሥታዊ ያልሆኑ አካላት ጋር መደበኛ ምክክሮች እንደሚካሄዱ ገልጸዋል።
የፕላን እና ልማት ሚኒስትር ፍፁም አስፋ “አፍሪካ ቅድሚያ የምትሰጣቸውን ጉዳዮቿን የሚያንፀባርቅ እና እውነተኛ ውጤቶችን የሚያመጣ መድረክ ያስፈልጋታል። ሁለተኛው የአፍሪካ የአየር ንብረት ጉባኤ ያ መድረክ ነው። ድምጾችን ወደ አንድ ያመጣል፣ አሰላለፍንና ጥምረቶችን ይገነባል እንዲሁም ውጥናችን በራሳችን መንገድ ወደ ተግባር ለመቀየር የሚያስችል እድል ይፈጥራል” ብለዋል፡፡
ሁለተኛው የአፍሪካ የአየር ንብረት ጉባኤ “የዓለም የአየር ንብረት መፍትሄዎችን ማቀላጠፍ፤ የአፍሪካን ዘላቂ እና አረንጓዴ ልማት በገንዘብ መደገፍ” በሚል መሪ ቃል ከጳጉሜ 3-5 በአዲስ አበባ ይካሄዳል።
ስፑትኒክ ኢትዮጵያ | መተግበሪያ | X
