ሌሴቶ አሜሪካ የጣለችውን ቀረጥ ተከትሎ ብሔራዊ የአስቸኳይ ጊዜ አወጀች
18:54 12.07.2025 (የተሻሻለ: 19:04 12.07.2025)
© telegram sputnik_ethiopia
/ ሰብስክራይብ
ሌሴቶ አሜሪካ የጣለችውን ቀረጥ ተከትሎ ብሔራዊ የአስቸኳይ ጊዜ አወጀች
የአሜሪካ መንግሥት ከሌሴቶ በሚገቡ ምርቶች ላይ የቀረጥ ጭማሪ ለማድረግ መወሰኑ በሀገሪቱ የሥራ አጥነት በከፍተኛ እንዲጨምር አድርጓል ያሉት የንግድ ሚኒስትር ሞኬቲ ሼላይት፤ የጨርቃጨርቅ ኢንዱስትሪውን በእጅጉ እንደሚጎዳ ጠቁመዋል፡፡
የአስቸኳይ ጊዜ አዋጁ መንግሥት በሚቀጥሉት ሁለት ዓመታት ከጨርቃጨርቅ ኢንዱስትሪ ውጭ ለ60 ሺህ ዜጎች በፍጥነት የሥራ እድል እንዲፈጥር ያስችለዋል ሲሉ ሼላይት ለምዕራቡ ሚዲያ ገልፀዋል።
ሊቫይስን ጨምሮ ለታዋቂ ብራንዶች የሚላኩ የጨርቃጨርቅ ውጤቶች ሌሴቶ በቀዳሚነት ወደ አሜሪካ የምትልካቸው የወጪ ንግድ ምርቶች ናቸው፡፡ እ.ኤ.አ በ2024 ወደብ አልባዋ ሀገር 237 ሚሊየን ዶላር የሚያወጡ ሸቀጦችን ለአሜሪካ አቅርባለች፡፡ ይህም ከሌሴቶ አጠቃላይ የሀገር ውስጥ ምርት አስር መቶዎች የሚሆነውን የሚሸፍን ነው፡፡
እስከ ጎርጎሮሳውያኑ ሰኔ 30 ቀን 2027 ድረስ የሚቆየው የአስቸኳይ ጊዜ አዋጅ ኢንቨስትመንቶች እና የሕዝብ የበጀት አመዳደብን በማሳለጠ የሥራ ፈጠራን ለማቀላጠፍና ቢሮክራሲያዊ መሰናክሎችን ለመቀነስ ያለመ ነው ሲሉ ሼላይት ገልፀዋል፡፡
ስፑትኒክ ኢትዮጵያ | መተግበሪያ | X
