ሩዋንዳ በአሜሪካ አደራዳሪነት ከኮንጎ ዲሞክራሲያዊ ሪፐብሊክ ጋር የተደረገውን የሰላም ስምምነት አከበራለሁ አለች
16:25 05.07.2025 (የተሻሻለ: 16:34 05.07.2025)
© telegram sputnik_ethiopia
/ ሰብስክራይብ
ሩዋንዳ በአሜሪካ አደራዳሪነት ከኮንጎ ዲሞክራሲያዊ ሪፐብሊክ ጋር የተደረገውን የሰላም ስምምነት አከበራለሁ አለች
ፕሬዝዳንት ፖል ካጋሜ በጎረጎሮሳውያኑ ሰኔ 27 በዋሽንግተን ከተካሄደው ፊርማ በኋላ ባደረጉት የመጀመሪያ ንግግራቸው፤ የፖለቲካ፣ ጸጥታ እና ኢኮኖሚ ጉዳዮችን በሚዳስሰው ስምምነት የትራምፕ አስተዳደር ለተጫወተው ሚና በይፋ ምስጋና አቅርበዋል።
ስምምነቱ የተኩስ አቁም እንዲተገበር፣ የኪንሻሳ የግዛት አንድነት ጥያቄ እንዲከበር፣ የታጠቁ ቡድኖች ትጥቅ እንዲፈቱ እና በምስራቅ ኮንጎ መረጋጋት እንዲሰፍን ያስቀምጣል።
ካጋሜ "ስምምነቱን በመተግበር ረገድ መቼም ሩዋንዳን ጥፋተኛ ሆና አታገኟትም"፣ ነገር ግን ሌላኛው ወገን ተንኮልና ችግር የሚፈጥር ከሆነ ያኔ ችግሩን በጄ እንለዋለን ሲሉ ተናግረዋል።
የስምምነቱ ስኬት ቀጣናዊ መልካም ፈቃድን የሚጠይቅ መሆኑን ጠቁመዋል፡፡ አፈፃፀሙ በሩዋንዳ እና በኮንጎ ዲሞክራሲያዊ ሪፐብሊክ ላይ ብቻ የሚወሰን መሆኑን ነው አጽንዖት የሰጡት።
ስምምነቱ በቅርቡ በኤም23 አማፂ ቡድን ዳግም አገርሽቶ የተጠናከረውን የምስራቅ ኮንጎ ለአስርተ ዓመታት የዘለቀ ብጥብጥ ለማስቆም ያለመ ነው። ኪንሻሳ ለቀጣናው ዘላቂ ሰላም ቁርጠኛ መሆኗን ቀደም ሲል አረጋግጣለች።
ስፑትኒክ ኢትዮጵያ | መተግበሪያ | X
