የናይጄሪያው ፕሬዝዳንት ቦላ ቲኑቡ የሀገሪቱን አንገብጋቢ ችግሮች ለመፍታት መለኮታዊ ጣልቃ ገብነትን ጠየቁ
12:48 30.03.2025 (የተሻሻለ: 13:04 30.03.2025)
© telegram sputnik_ethiopia
/ ሰብስክራይብ
የናይጄሪያው ፕሬዝዳንት ቦላ ቲኑቡ የሀገሪቱን አንገብጋቢ ችግሮች ለመፍታት መለኮታዊ ጣልቃ ገብነትን ጠየቁ
ቲኑቡ ከ73ኛ ዓመት ልደታቸው በፊት ለሀገሪቱ ደህንነት ለመጸለይ በተዘጋጀው ልዩ ሥነ-ሥርዓት ላይ ከሌሎች የእምነቱ ተከታዮች ጋር ተሳትፈዋል። የሀገሪቱ መሪ ሆነው ለማገልገል በመታደላቸው ምሥጋናቸውን በመግለፅ ለናይጄሪያ መረጋጋት፣ ሰላም እና ለሁሉም ዜጎቿ ደህንነት እንደጸለዩ ተናግረዋል።
አክለውም የጸሎት ሥነ-ሥርዓቱ ናይጄሪያን ለማገልገል ያላቸውን መነሳሳት እና ቁርጠኝነት ያደሰ መሆኑን ገልጸው፤ እድገትን ለማስመዝገብ ጠንክሮ መሥራት እና ጸሎት ወሳኝ ነገሮች ናቸው ብለዋል። እስካሁን ለተመዘገበው ለውጥ ለፈጣሪ ምስጋናቸውን አቅርበዋል።
ፕሬዝዳንቱ በልዩ አማካሪያቸው አማካኝነት ባስተላለፉት መልዕክት ሁሉም ናይጄሪያውያን ባሉበት ቦታ ወይም በሚያመልኩበት ቦታ ሳይወሰኑ፤ ለሀገሪቱ አንድነት እና የጋራ ዕጣ ፈንታ በመንፈስ የጸሎት ሥነ-ሥርዓቱን እንዲቀላቀሉ አበረታትተዋል። መንግሥታቸው የኢኮኖሚ ማሻሻያዎችን ለማራመድ፣ ብሔራዊ ደህንነትን ለማጠናከር እና ለሁሉም ዜጎች እድሎችን ለማስፋት በሚያደርገው ጥረት የናይጄሪያ ሕዝብ ለሚያደርገው ጠንካራ ድጋፍም ምሥጋናቸውን አቅርበዋል።
@sputnik_ethiopia
