ናይጄሪያዊው ባለሀብት አሊኮ ዳንጎቴ በኢትዮጵያ ያላቸውን ኢንቨስትመንት እንደሚያስፋፉ እና አዳዲስ ኢንቨስተመንቶችን እንደሚጀምሩ አሳወቁ

ናይጄሪያዊው ባለሀብት አሊኮ ዳንጎቴ በኢትዮጵያ ያላቸውን ኢንቨስትመንት እንደሚያስፋፉ እና አዳዲስ ኢንቨስተመንቶችን እንደሚጀምሩ አሳወቁ ባለሀብቱ ይህንን ያሳወቁት ከኢትዮጵያ ኢንቨስትመንት ሆልዲንግስ ዋና ስራ አስፈፃሚ ብሩክ ታዬ ጋር የመግባቢያ ስምምነት በተፈራረሙበት ወቅት ነው። "ሁሌም በኢትዮጵያ በሚኖረኝ ጉብኝት ደስተኛ ነኝ ...በሀገሪቱ እየታዩ ያሉ ለውጦችን ሳይ ለተጨማሪ ኢንቨስትመንት ተነሳስቻለሁ" ሲሉ የዳንጎቴ ግሩፕ ዋና ስራ አስፈፃሚ አሊኮ ዳንጎቴ ተናግረዋል። አዲሱ ማስፋፊያ በዓመት 2.5 ሚሊዮን ቶን ሲሚንቶ የሚያመርተው የሙገር ሲሚንቶ ፋብሪካ፤ አቅሙ በዓመት ወደ 5 ሚሊዮን ቶን እንዲጨምር ያደርጋል ሲሉ ስራ አስፈፃሚው ተናግረዋል።በተጨማሪም በኦሞ ኩራዝ የስኳር ኩባንያ ላይ ከፍተኛ ማስፋፊያ ለማድረግ ማቀዳቸውን ገልፀዋል። ሌላው አዲስ ኢንቨስትመንት በኢትዮጵያ የዩሪያ ማምረቻ ፋብሪካን መትከል ሲሆን፤ ይህም በሀገሪቱ የተፈጥሮ ጋዝ ክምችት ከተፈጠረ በኋላ የታሰበ መሆኑን የኢትዮጵያ ኢንቨስትመንት ሆልዲንግ አስታውቋል። መተግበሪያውን አሁኑኑ ያውርዱ፦ APK ፋይል ሊንክ ስፑትኒክ ኢትዮጵያን ይወዳጁ @sputnik_ethiopia