ኢትዮጵያ የብሪክስን አጋርነት ከአባል ሀገራቱ ጋር ያላትን የሁለትዮሽ ግንኙነት ለማሳደግ ትጠቀምበታለች ተባለ

ኢትዮጵያ የብሪክስን አጋርነት ከአባል ሀገራቱ ጋር ያላትን የሁለትዮሽ ግንኙነት ለማሳደግ ትጠቀምበታለች ተባለየኢትዮጵያ የብሪክስ አጋርነት የባለሙያዎች ቴክኒካል ኮሚቴ በ2025 የብራዚል ሊቀመንበርነት ዘመን ሀገሪቱ የሚኖራትን እንቅስቃሴ አስመልክቶ ትላንት በውጭ ጉዳይ ሚኒስትር ስብሰባ አካሂዷል። ስብሰባውን የመሩት በውጭ ጉዳይ ሚኒስቴር ልዩ የፖሊሲ አማካሪ የሆኑት አምባሳደር ሚኒሊክ አለሙ ጌታነህ ናቸው። በስብሰባው ወቅት በ2024 ኢትዮጵያ በብሪክስ ውስጥ የነበራትን እንቅስቃሴ እና ያሳካቻቸውን ተግባራት እንዲሁም ለ2025 የያዘችውን እቅድ አስመልክቶ የአለም አቀፍ ድርጅት ጉዳዮች ዳይሬክተር ጀነራል እና የኢትዮጵያን የብሪክስ እንቅስቀሴ በሀላፊነት የሚመሩት አምባሳደር ለምለም ፍስሀ ማጠቃላይ ሰጥተዋል።አምባሳደሯ እንዳሉት ብሪክስ ለኢትዮጵያ የአጋርነት ትብብሮቿን የምታሳድግበት፣ ብሔራዊ ጥቅሟን የምታስከብርበት እና የውጭ ፖሊሲ አላማዎቿን የምታስፈፅመበት ተጨማሪ መድረክ ነው። አክለውም ኢትዮጵያ በብሪክስ ማዕቀፍ ግብርና፣ መሰረተ ልማት፣ ጤና፣ ትምህርት፣ ንግድ እና ኢንቨስትመንትን ለማሳደግ ከአባል ሀገራቱ ጋር ያላትን የሁለትዮሽ ግንኙነት ተጨባጭ በሆነ እና የጋራ ጥቅምን ባስጠበቀ መልኩ በተሻለ መንገድ እየተጠቀመችበት መሆኑን አስረድተዋል።በውይይቱ 21 የመንግስት ተቋማትን የወከሉ ባለሙያዎች መሳተፋቸውን የውጭ ጉዳይ ሚኒስቴር አስታውቋል። መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia