የዓለም ባንክ ለኢትዮጵያ የማክሮ ኢኮኖሚ ማሻሻያ ድጋፉን አጠናክሮ እንደሚቀጥል ገለጸ

የዓለም ባንክ ለኢትዮጵያ የማክሮ ኢኮኖሚ ማሻሻያ ድጋፉን አጠናክሮ እንደሚቀጥል ገለጸ የኢትዮጵያ የገንዘብ ሚኒስትር አህመድ ሺዴ በዓለም ባንክ የኦፕሬሽን ማኔጂንግ ዳይሬክተር አና ቤርዴ እና በምስራቅና ደቡባዊ አፍሪካ ቀጠና ምክትል ፕሬዚዳንት ቪክቶሪያ ኩዋዋ ከተመራ ልዑካን ቡድን ጋር ተወያይተዋል። ሚኒስትሩ ባንኩ በኢትዮጵያ በአሁኑ ሰዓት በተለያዩ ዘርፎች ከ17 ቢሊዮን ዶላር በላይ የሚገመት የኢንቨስትመንት መጠን እንዳለው አመልክተዋል። ለዓለም ባንክ የስራ ኃላፊዎች የኢትዮጵያን ማክሮ ኢኮኖሚ ሪፎርም አስመልክቶ መረጃ የሰጡት ሚኒስትሩ፤ መንግስት በሪፎርሙ አማካኝነት በታክስ እና የፋይናንስ ዘርፍ ማሻሻያ በማድረግ ምቹ የኢንቨስትመንት ከባቢ ለመፍጠር እየሰራ መሆኑን ገልፀዋል። በቀጣይም ይህን ጥረት አጠናክሮ ለመቀጠል ቁርጠኝነት እንዳለ አረጋግጠዋል። ቢርዴ በበኩላቸው ኢትዮጵያ የማክሮ ኢኮኖሚና የፋይናንስ ዘርፍ ማሻሻያዎችን በተሳካ ሁኔታ ተግባራዊ ማድረጓን እና እስካሁን ድረስ ያገኘችውን ውጤት አድንቀዋል። የዓለም ባንክ ማሻሻያውን ለመደገፍ ቁርጠኛ እንደሆነም በድጋሚ አረጋግጠዋል። ማኔጂንግ ዳይሬክተሯ ለግሉ ዘርፍ ፍላጎቶች ምላሽ የሚሰጡ ተጨማሪ ማሻሻያዎችን ማድረግ እንደሚያስፈልግም አንስተዋል። በውይይቱ ኢትዮጵያ እና ዓለም ባንክ ትብብር እና አጋርነታቸውን ለማጠናከር ከስምምነት ላይ መድረሳቸውን ከኢትዮጵያ የገንዘብ ሚኒስቴር የተገኘው መረጃ ያመላክታል፡፡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopiaፀ