የደቡብ አፍሪካ ሀገሮች የልማት ማህበረሰብ በዲሞክራሲያዊት ኮንጎ ሪፐብሊክ ጉዳይ ላይ ልዩ ስብሰባ ሊያደርግ ነው

የደቡብ አፍሪካ ሀገሮች የልማት ማህበረሰብ በዲሞክራሲያዊት ኮንጎ ሪፐብሊክ ጉዳይ ላይ ልዩ ስብሰባ ሊያደርግ ነው የዚምባብዌው ፕሬዝዳንት ኤመርሰን ምናንጋግዋ የሚመራው ጉባዔ በዛሬው ዕለት እንደሚካሄድ እና ቀጥሎም የልማት ማህበረሱ  ከፍተኛ ኃላፊዎች ቋሚ ኮሚቴ እና የልማት ማህበረሰቡ  የሚኒስትሮች ምክር ቤት ስብሰባዎች እንደሚካሄዱ ማህበረሰቡ በኤክስ ትስስር ገጹ አስታውቋል።በዲሞክራቲክ ሪፐብሊክ ኮንጎ ሁኔታ አበይት መረጃዎች፡▪የደቡብ አፍሪካ መንግስት ከኮንጎ ዲሞክራሲያዊት ሪፐብሊክ የሰላም አስከባሪ ወታደሮቹን ለማውጣት ከተባበሩት መንግስታት ጋር በመተባበር እየሰራ ነው፤ ወታደሮቹ የኤም 23 አማጺ ቡድን እንዲገታ ረድተዋል ሲሉ ምክትል የመከላከያ ሚኒስትር ባንቱ ሆሎሚሳ ተናግረዋል።▪በጎማ እና ሳኬ ከተሞችን በመከላከል ላይ የተሳተፉ የዲሞክራሲያዊት ሪፐብሊክ ኮንጎ ወታደሮች፣ ከታንዛኒያ እና ከማላዊ የመጡ የሰላም አስከባሪዎች ወጥተዋል ወይም ለታጣቂዎቹ እጅ ሰጥተዋል ሲሉ የደቡብ አፍሪካ መከላከያ ሚኒስቴር አስታውቋል።▪ፕሪቶሪያ ከኤም 23 ጋር የተኩስ አቁም እንዲደረግ በመጠየቋ በዲሞክራቲክ ሪፐብሊክ ኮንጎ የሚገኙ የደቡብ አፍሪካ ወታደሮች ባለፉት 48 ሰዓታት ምንም አይነት ሞት አልደረሰባቸውም በማለት የመከላከያ ሚኒስትር አንጊ ሞትሼጋ ገልጸዋል።▪ኤም 23 አማጺ ቡድን ድርጊቱን በመቀጠሉ የተባበሩት መንግስታት ድርጅት በዲሞክራቲክ ሪፐብሊክ ኮንጎ ያሉ ሰራተኞቹን ለመጠበቅ እርምጃዎችን እየወሰደ ነው ሲሉ ቃል አቀባዩ ስቴፋን ዱጃሪክ ተናግረዋል።▪ሩዋንዳ በምስራቅ ዲሞክራሲያዊት ሪፐብሊክ ኮንጎ ያለውን ሁኔታ በተመለከተ ከደቡብ አፍሪካ ጋር ግጭት አትከለክልም ሲሉ የሩዋንዳው ፕሬዝዳንት ፖል ካጋሜ ተናግረዋል።▪የዲሞክራቲክ ሪፐብሊክ ኮንጎ ፕሬዚዳንት ፌሊክስ ቺሴኬዲ "የሩዋንዳውን አረመኔያዊ ጥቃት" ሲሉ የጠሩትን ድርጊት ለመቃወም ሀገሪቱ አንድ እንድትሆን ጥሪ አቅርበዋል።▪ዩናይትድ ስቴትስ የአስቸኳይ ጊዜ ሰራተኞች ያልሆኑ የአሜሪካ መንግስት ሰራተኞች ከዲሞክራቲክ ሪፐብሊክ ኮንጎ  እንዲወጡ አዘዘች።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia